Axborot texnologiyalari va kommunikatsiyalari sohasini yanada takomillashtirish chora-tadbirlari to‘g‘risida

Media xizmatlar. Bugungi kunda inson hayotini suratlar, video tasvirlar, musiqa filmlar, animatsion filmlar va kompyuter oʻyinlarisiz tasavvur etish qiyin. Fantastika janriga yoʻnaltirilgan filmlar va animatsion film(multfilm)lar insonlarni hayratga solayotgan bir vaqtda aynan shu sohaning rivojlanishi, bunday mahsulotlarning ishlab chiqarilish jarayoniga nazar tashlaymiz. Mukammal ishlab chiqarilgan dasturiy taʼminotlar va kuchli apparat taʼminot evaziga katta hajmdagi maʼlumotlarni qayta ishlab chiqish, avvaldan yaratib qoʻyilgan modellardan foydalanib yangi mahsulotlar yaratish sezilarli darajada tezlashgan.

4-rasm. Video o’yinlarning yaratilish jarayoni
Bundan tashqari audiosignallar, tasvirlar va video tasvirlarni qayta ishlash uchun zamonaviy dasturiy zaxiralar (dasturiy kutubxonalar) ishlab chiqilgani ushbu sohada mahsulotlar ishlab chiqarishni osonlashuvini taʼminlamoqda.
Aloqa xizmatlari. Masofadan turib maʼlumot almashinuvi AKTning ustun yondashuvi desak mubolagʻa boʻlmaydi. Analog signallarning yuqori tezlikda harakatlanishidan foydalanib bugungi kunda bir soniyada ona zaminning bir nuqtasidan boshqa nuqtasiga maʼlumot uzatish va qabul qilib olish imkoniyati mavjud. Bu esa telefon tarmoqlarini va global internet tarmoqlarini rivojlanishiga hamda bu rivojlanish jamiyatga singib ketishiga turtki boʻldi. Hozirda aloqa kanallari yordamida matnli, ovozli va video xabarlar orqali muloqotini taʼminlanmoqda. Global internet tarmogʻida esa istalgan maʼlumotni almashinuv jarayonini amalga oshirish mumkin.
Global internetda ijtimoiy tarmoqlarning rivoji xam katta hisoblanadi. Ijtimoiy tarmoqlar hozirda maʼlumotning tarqalishini katta tezlikka olib chiqdi va bu insonlar uchun koʻplab imkoniyatlarni yaratib berdi.
Xavfsizlik xizmatlari. Xavfsizlik masalasida misol sifatida kuzatuv kameralarining ishlashini keltirish mumkin. Bunda kameralarning uzluksiz ravishda ishlab turishi va tasvirlarni istalgan nuqtadan kuzatish imkoni mavjud. Bu orqali joylarda yuz bergan yoki yuz berishi mumkin boʻlgan hodisalarni kuzatish, tahlil qilish va chora koʻrish imkonini beradi.

5-rasm. Kuzatuv kameralarini boshqaruv jarayoni