Prezident islom karimovning “O‘zbekistonda oziq-ovqat dasturini amalga oshirishning muhim zaxiralari” mavzusidagi xalqaro konferensiyaning ochilish marosimidagi nutqi

Orasa Discataporn xonim, Tailand qishloq xo‘jaligi va kooperatsiya vazirligining qishloq xo‘jaligi mahsulotlarini rag‘batlantirish va menejment byurosi direktori:

– Prezident Islom Karimov nutqi meni g‘oyat to‘lqinlantirdi. Unda mamlakatingiz bugungi ulkan yutuq va marralarga qanday omillar evaziga erishgani aniq bayon etilgani ahamiyatga molik. Davlatingiz rahbari ta’kidlaganidek, O‘zbekiston tanlagan o‘ziga xos va o‘ziga mos taraqqiyot yo‘li – “o‘zbek modeli” bugun mamlakatingizning har sohada yuksak natijalarga erishishida muhim omil bo‘layotir. Ushbu mashhur model bozor munosabatlariga asoslangan huquqiy demokratik davlat qurish strategiyasi sifatida O‘zbekiston taraqqiyotining asosiy harakatlantiruvchi kuchiga aylandi. Uzoqni ko‘zlagan, puxta va hayotiyligini isbotlagan bu strategiya boshqa mamlakatlar uchun ham o‘rnak olsa arzigulikdir.

O‘zbekistonda nafaqat shirin-shakar mevalar, totli sabzavotlar yetishtirilishiga, balki ular xalqaro standartlar asosida qayta ishlanayotganiga ham guvoh bo‘ldik. Bu mahsulotlar yuksak sifati, raqobatbardoshligi va tabiiyligi bilan har qanday xaridorga ma’qul kelishi shubhasiz. O‘zbekistonda salqin ichimliklar, jumladan, turli mevalarning lazzatli sharbatlari ishlab chiqarilayotgani bilan yaqindan tanishdik.

Toshkent ko‘chalarida sayr qilib, turfa avtomobillarga ko‘zim tushdi. Mamlakatingizda ishlab chiqarilayotgan bunday zamonaviy avtomobillar O‘zbekistonning bu boradagi yuksak salohiyatini va istiqlol yillarida erishilgan ulkan muvaffaqiyatlarini namoyon etmoqda.