Prezident islom karimovning “O‘zbekistonda oziq-ovqat dasturini amalga oshirishning muhim zaxiralari” mavzusidagi xalqaro konferensiyaning ochilish marosimidagi nutqi

Jujanna Yakob xonim, Jahon sog‘liqni saqlash tashkiloti Yevropa mintaqaviy byurosi direktori:

– Mazkur konferensiya butun dunyo mamlakatlari uchun g‘oyat dolzarb mavzuga bag‘ishlangan yirik anjuman bo‘ldi. Xalqaro forum jahon oziq-ovqat sanoatini rivojlantirish, aholini sifatli va xavfsiz mahsulotlar bilan ta’minlash, sohaga zamonaviy texnologiyalarni jalb etish kabi bugungi kunning muhim masalalarini muhokama qilish imkonini berdi.

O‘zbekistonda oziq-ovqat mahsulotlari xavfsizligi va sifatini ta’minlash uchun zarur qonunchilik va me’yoriy baza yaratilgan. Mamlakatingizda aholining reproduktiv salomatligini muhofaza qilish, homilador ayollarni tarkibida sog‘liq uchun zarur mikronutriyentlar mavjud maxsus polivitaminlar bilan ta’minlash orqali sog‘lom va barkamol farzandlarni dunyoga keltirish bo‘yicha amalga oshirilayotgan profilaktika chora-tadbirlari jahonda kam uchraydi. Unni zarur mikroelementlar bilan boyitish, tuzni yodlash dasturlari ham muvaffaqiyatli amalga oshirilayotgani diqqatga sazovor.

Prezident Islom Karimov tomonidan 2014-yil O‘zbekistonda Sog‘lom bola yili, deb e’lon qilingani e’tiborga molik. Zotan, davlatingiz rahbari ta’kidlaganidek, mamlakat taraqqiyotining asosi sog‘lom avloddir. O‘zbekiston BMTning Mingyillik rivojlanish maqsadlarini muvaffaqiyatli amalga oshirayotganini alohida ta’kidlamoqchiman. Mana shunday islohotlar natijasida tarixan qisqa muddatda mamlakatda odamlarning o‘rtacha umr ko‘rish darajasi 7-yilga uzaygani diqqatga sazovor. Bularning barchasi O‘zbekistonning ijtimoiy-iqtisodiy sohalardagi yutuqlarining yorqin ifodasidir.