Prezident islom karimovning “O‘zbekistonda oziq-ovqat dasturini amalga oshirishning muhim zaxiralari” mavzusidagi xalqaro konferensiyaning ochilish marosimidagi nutqi

Xans Xuven, “IG-Projects” kompaniyasi direktori (Niderlandiya):

– Prezident Islom Karimov nutqi mamlakatingiz iqtisodiyotida, jumladan, oziq-ovqat sanoati sohasida erishilgan muvaffaqiyatlar, sohada puxta ishlab chiqilgan dastur va chora-tadbirlarga oid foydali ma’lumot va maslahatlarni qamrab olgani bilan barcha ishtirokchilarda katta qiziqish uyg‘otdi.

Davlatingiz rahbari tomonidan mamlakatingizda mustaqillikning dastlabki yillaridan oziq-ovqat muammosini hal qilish, ayniqsa, g‘alla mustaqilligini ta’minlash qat’iy vazifa qilib qo‘yilgani, shuningdek, oziq-ovqat xavfsizligi va don mustaqilligi ta’minlangani tahsinga sazovor. Qishloq xo‘jaligi sohasini rivojlantirish, fermer va ishbilarmonlarga imtiyozlar yaratishga katta e’tibor qaratilmoqda. Bunday yuksak e’tibor O‘zbekiston iqtisodiyotining muttasil rivojlanishida muhim omil bo‘lmoqda. Anjuman O‘zbekiston va dunyo mamlakatlarida agrosanoat sohasida olib borilayotgan keng ko‘lamli islohotlar bilan yaqindan tanishish, fikr va tajriba almashish, hamkorlikda turli loyihalarni amalga oshirish uchun qulay zamin yaratdi.

O‘zbekistonlik ishbilarmonlar bilan issiqxona texnologiyalari va loyihalarini hayotga tatbiq etish borasida yaqin hamkorlik aloqalari o‘rnatishdan manfaatdormiz.