Avtotransport vositalarining diagnostikasi

1.2 - расм АВАCCО-экспедитор аппарат-дастурий комплекси приборлар комплекти

Тақдим этилган GPS приемникнинг ўзига хос хусусиятлари: осон ўрнатилиши, ишончлилиги, юқори техник характеристикалари (транспорт воситаларининг ўрнини аниқлаш аниқлиги, махсус эксплуатацион шароитларини талаб этмаслиги, зарбаларга мустаҳкам корпуси, энергетик мустақиллиги, борт энергия тармоғи ҳолатини аниқлаш имконияти).

ГАТ (геоахборот тизимлар) дастурлари

ГАТ-технологияси қўллаш орқали ишлаб чиқилган турли дастурий таъминот орасида, (транспортни автоматлаштириш нуқтаи назаридан) қуйидагилар қизиқиш уйғотади:

• навигацион ГАТ;

• диспетчерлик ГАТ;

• логистика масалаларини ечишга қаратилган махсус ГАТ.

Навигацион ГАТ транспорт воситасини ўрнини аниқлаш имкониятини берадиган махсус навигацион жиҳозларидан (GPS приемник) фойдаланишни талаб қилади.

Навигацион ГАТ одатда қуйидаги функцияларни бажаради:

• турли масштабларда шаҳарнинг электрон харитасини кўрсатади;

• харитада мавжуд объектлар ҳақида маълумот беради;

• керакли объектни қидиради;

• транспорт воситасининг энг қисқа ҳаракат маршрутини танлаш (эҳтимол, йўл патруль хизмати маълумотларини ҳисобга олган ҳолда)

• харитада маршрутни кўриш,

• навигацион жиҳозлари билан жиҳозланган транспорт воситасининг ўрнини ва ҳаракатини кўрсатиш.

Диспетчерлик ГАТ диспетчернирнг иш жойини автоматлаштириш мўлжалланган бўлиб, асосан қуйидагиларни амалга ошириш имкониятини беради:

• навигацион ускуналар билан жиҳозланган транспорт воситаларини реал вақтдаги ҳаракатини назорат қилиш;

• транспорт воситалари ҳаракатининг оптимал йўналишларини режалаштириш;

• транспорт воситаларини ишлатиш статистикасини тўплаш ва таҳлил қилиш.