Avtomobil yo`llari bo`ylab joylashtiriladigan damo olish maydonlarini loyihalash Reja

30-rasm. Aholi yashash joylarida yo‘l belgilarini ko‘ndalang
kesimda joylashtirish.
Yo‘l belgilarini turlariga qarab ishlatilish joylari 7-jadvalda keltirilgan.
7-jadval

Belgilarning o‘lcham turlari	Yo‘l belgisining foydalanish joyi
	Aholi yashamaydigan punktlarda	Aholi yashaydigan punktlarda
I-kichik	Bitta harakat polosali yo‘lda	Mahalliy ahamiyatdagi yo‘llarda
II-normal	Ikkita va uchta harakat polosali yo‘llarda	Magistral yo‘llarda
III-katta	To‘rtta va undan ko‘p polosali yo‘llarda va avtomagistrallarda	Tez yurar yo‘llarda
IV-juda katta	Avtomagistrallardagi tuzatish ishlari olib borilayotgan joylarda va boshqa yo‘llarning xavfli bo‘laklarida ishlatilish samaradorligi asoslangan hollarda

Yo‘l belgilari yo‘lning o‘ng tomonida qatnov va yo‘l yoqasi qismidan tashqarida (maxsus holatlardan boshqa) o‘rnatiladi.

Aholi yashamaydigan yo‘l uchastkalarida yo‘l belgilarini yo‘l yoqasi yonida ko‘tarilgan «berma»da (supachada) (29a-rasm), ko‘tarmaning qiyalik yon bag‘rida (29b-rasm), yon ariqdan tashqarida (29v-rasm), qiyin yo‘l sharoitlarida yo‘l yoqasida (29g-rasm) rasmlarda ko‘rsatilgan talablarga binoan o‘rnatilishi kerak. Bu belgilar yo‘lning yon tomonidan o‘rnatilganida qatnov qismining chetidan, yo‘l yoqasining mavjud holatida esa yo‘l qirg‘og‘idan (brovkadan) yo‘l belgisining chetigacha 0,52,0 m masofada, qoplamaning ustidan belgining tagigacha (tablichkalarni hisobga olmaganda) 1,52,0 m masofada o‘rnatilishi lozim.
Ta’mirlash yoki tuzatish ishlari olib borilayotgan joylarda yoki operativ (tez) holatda harakatni tashkil qilish zarur bo‘lgan vaqtda yo‘l belgilarining tayanchlari qatnov qismiga o‘rnatilishi ruxsat etiladi (masalan, Paxtakor stadioni atrofidagi ko‘chalarda futbol o‘yini oldidan u yoki bu transport vositalari qatnovini yoki umuman harakatni ta’qiqlovchi vaqtincha belgilar qo‘yilishi amalda uchrab turadi).