Avtomobil indd

Antikorrozion qoplamalar 
[anti-... va lotincha corrosion – 
yeyilish] – buyumlarni tashqi muhitning korrozion ta’siridan 
saqlash, ko‘rkamlashtirish uchun ularning sirtiga qoplanadigan 
yupqa qatlam. Antikorrozion qoplamalarning metalli (ruxlash, 
kadmiylash, nikellash, xromlash, qalaylash, qo‘rg‘oshinlash va 
boshqalar); lok-bo‘yoqli; shisha-emalli, oksid pardali (qorayt-
irish, anodli ishlav berish va boshqalar), rezina bilan qoplash 
(gummirlash), plastmassa va bitum bilan moylash xillari bor. 
Antioksidlovchilar, antioksidantlar, oksidlanish ingibitorlari 
– 
organik birikmalarning oksidlanishini to‘xtatishga moyil tabiiy 
yoki sintetik moddalar. Antioksidlovchilar sifatida, masalan, 
fenollar, aromatik aminlar, fosfor kislota tuzlari ishlatiladi. 
Antioksidlovchi polimerlar (kauchuk tola, plastmassa), surkov 
moylari, yonilg‘iga qo‘shiladi. 
Antipirenlar 
[anti-... va yunoncha pur – o‘t] – yog‘och, 
gazlama va boshqa organik materiallarni alangalanish va o‘z-
o‘zidan yonib ketishdan saqlaydigan moddalar va aralashmalar. 

---

364
365
Antipirenlar material sirtiga surkaladi yoki materialga antipiren 
eritmasi shimdiriladi. Ko‘p tarqalgan antipirenlar – fosfatlar va 
ammoniy sulfat, bura, borat kislota, surma birikmalari, xlorlan-
gan uglevodorodlar. 
Antiseptik vositalar
(anti- ... va yunoncha zerykoz – chir-
ish) – ularga galogenli (xlor, yod va boshqalar) birikmalar, 
xloramin, pantotsid, lugol eritmasi; yodning spirtdagi eritmasi, 
yodoform va boshqa oksidlovchilar (kaliy permanganat, vodorod 
peroksid), simob (sulema, simobli mazlar) va kumush (lapis, 
protargol va boshqalar) birikmalari, spirtlar, fenollar (karbol 
kislota va boshqalar), ba’zi bo‘yoqlar (rivanol, metilen ko‘ki, 
brilliant yashili va boshqalar) kiradi. Texnikada – yog‘och ma-
teriallarni chirishdan asrash, ularning mustahkamligini kamayti-
ruvchi zamburug‘lardan saqlash uchun ishlatiladigan moddalar. 
Antiseptik vositalar moysimon, suvda eruvchan va erimaydigan 
xillarga bo‘linadi. Yog‘och buyumlar yoki materiallarga, ko‘pin-
cha, antiseptik suyuqliklar shimdiriladi yoki ularning sirtiga 
maxsus pastalar surtiladi. 
Antifrizlar
[anti-... + inglizcha freeze – muzlatish] – past 
haroratlarda muzlamaydigan spirt, glikol, glitserin va ba’zi bir 
anorganik tuzlarning suvdagi eritmasi. Ichki yonuv dvigateli va 
boshqa turli qurilmalarni sovitish uchun ishlatiladi. 
Areometr
[yunoncha araios – zich bo‘lmagan, bo‘sh; suyuq 
+ metreo – o‘lchayman] – suyuqlik va sochiluvchan qattiq 
jismlarning zichligini o‘lchaydigan asbob.