Avtomobil indd

Siqilgan gazni saqlash va tarqatish. 
Siqilgan gaz jips (germetik) 
mahkamlangan sig‘im yoki ballonlarda saqlanadi va tashiladi. 
Avtomobil suyuq holatdagi gazni idishdan avtomobilda 
saqlanadigan ballonga oqizib, gaz bilan ta’minlanadi. Buning 
uchun sig‘im va ballon har xil balandliklarda bo‘lishi kerak. 
Gaz bilan ta’minlash jarayonini tezlatish uchun nasosdan 
(markazdan qochma kuch ta’sirida ishlaydigan) foydalaniladi. 
Gaz yostig‘ini hosil qilish hamda turli haroratlarda ballonni 
portlashdan himoya qilish uchun ballon sig‘imining 90 foizi 
gaz bilan to‘ldiriladi. 
Garaj ichida ishlatiladigan neft mahsulotlari ularga bo‘lgan 
talab asosida (10- va 11- shakllar) amalga oshiriladi. 
8. 3.
 Ishlatilgan moylarni yig‘ish, saqlash va
qayta ishlashga topshirish
Ishlatilgan neft mahsulotlarini yig‘ish va qaytadan ishlatish 
yonilg‘i va moylash materiallarini tejash bilan bir qatorda, 
atrof muhitning ifloslanishini kamaytiradi. Shuning uchun 
ham bu tadbir neft mahsulotlaridan samarali foydalanish 
muammosining tarkibiy qismi sifatida qaraladi. 
Ishlatilgan texnik moy 
(keyingi o‘rinlarda ITM deb ataladi) – 
mineral, yarim sintetik va sintetik asosdagi, o‘zining dastlabki 
maq sadiga ko‘ra bundan keyin foydalanishga yaroqsiz bo‘lgan, 
foydalanish jarayonida belgilangan sifat ko‘rsatkichlarini, 
iste’mol xususiyatlarini yo‘qotgan yoki uning uchun belgilangan 
muddatlarda ishlatib bo‘lingan har qanday industrial yoxud 
motor moyi. 
Ishlatilgan texnik moylar ishlatish sharoiti va qo‘llanishiga 
ko‘ra 2 guruhga bo‘linadi: ishlatilgan motor moylari (MMO) 
va ishlatilgan industrial moylar (MIO). Ishlatilgan moylarni 
yig‘ishda ularga benzin, kerosin, nigrol, surkov moylari va 
boshqa moddalarni aralashishiga yo‘l qo‘yilmaydi. Chunki 
ular regeneratsiya qilinib, qo‘shimcha qo‘shilmalar qo‘shilib 
qaytadan ishlatiladi (8.2-jadval). 
8. 2-jadval