Автомобил генераторлари

Ишчи тавсифномаси, деб гене-ратор салт ёки ҳар ҳил қийматдаги юкламалар билан ишлаганда унинг кучланиши U_г ни айланишлар часто-таси n га боғлиқлигига айтилади, яъни U_г = f(n). Генераторнинг ишчи тавсиф-номаларидан кўриниб турибдики (5-расм), юклама токининг қийматидан қатъий назар, роторнинг айланишлар частотаси ортиши билан генераторнинг кучланиши ўсиб боради ва унинг қиймати ток истеъмолчилари учун хавфли бўлган даражагача кўтарилиши мумкин. (Масалан, 1
4В ли автомобил ток тармоғи учун - 28...30 В гача). Бундан ташқари, генератор ҳаракатни двигателнинг тирсакли валидан олганлиги учун, унинг айланишлар частотаси жуда катта чегарада ўзгариб туради. Шунинг учун, автомобил генератори берадиган кучланишни автоматик равишда ростлаб туриш зарур. Ишчи тавсифномаларидан генераторнинг унум ва тўла унум билан ишлаш нуқталари аниқланади. Унум билан ишлаш нуқтаси,  деб генератор салт ишлаганда, номинал кучланишли ток ишлаб чиқиш учун роторнинг зарур бўлган айланишлар частотаси n₀ га айтилади ва у I_Ю = 0 бўлгандаги ишчи тавсифнома номинал кучланиш U_N чизиғини кесиб ўтган нуқта О билан белгиланади (4- расм).
Тўла унум билан ишлаш нуқтаси, деб генератор номинал юклама токи билан ишлага-нида, номинал кучланиш ишлаб чиқиш учун зарур бўлган айланишлар частотаси n_N га айтилади ва у I_Ю = I_N бўлгандаги ишчи тавсифнома номинал кучланиш U_N чизиғини кесиб ўтган нуқта N билан белгиланади (5-расм). Ишчи тавсифномаларнинг таҳлили-дан яна бир муҳим амалий хулоса чиқариш мумкин - генераторнинг юклама токи ортиши билан, номинал кучланиш ишлаб чиқариш учун зарур бўлган айланишлар частотаси ҳам ошиб боради.
Унум билан ишлаш n₀ ва тўла унум билан ишлаш n_N нуқталари генераторнинг техник ҳолатини белгиловчи муҳим кўрсаткичлар бўлиб, генераторларнинг техник тавсиф-номаларида келтирилади.