Автомобил генераторлари

Тўғрилагич блоки статор чулғамларида ҳосил бўладиган 3 фазали ўзгарувчан токни ўзгармас токка айлантириш учун хизмат қилади. Оддий генераторларнинг тўғрилагич блоки 6 та ярим ўтказгичли диоддан ташкил топган бўлиб, улар икки ярим даврли, кўприкли тўғрилаш схемаси бўйича уланади


Ўзгарувчан ток генератори қуйидагича ишлайди: Ўт олдириш калити уланганда генераторнинг уйғотиш чулғамига акку-мулятордан чўтка ва мис ҳалқалар орқали уйғатиш токи узатилади. Уйғотиш чулғамидан ўтаётган ток таъсирида унинг атрофида магнит майдони ҳосил бўлади ва у статор чулғамларини қамраб олади. Ротор айланганда унинг атрофидаги магнит майдони статор чулғамларини кесиб ўтади ва уларда 3 фазали ўзгарувчан ток ҳосил бўлади. Бу ток тўғрилагич блокига узатилади ва ўзгармас токга айлантирилади


Замонавий автомобилларнинг генератор қурилмалари
Замонавий компакт (ихчам) генераторлар анъанавий генераторлардан қуйидагилар билан фарқланади:

• 
  иккита совитиш парраклари 3 генератор нинг ичига жойлаштирилиб, улар ротор валининг икки томонига ўрнатилади; контакт ҳалқалари 9, чўткатутқич ва чўткалар 10, кучланиш ростлагичи 7 ва тўғрилагич блоки генераторнинг ички қопқоғидан ташқарига жойлаштирилади ва махсус ҳимоя қобиғи 8 билан беркитилади.
  
• 
  компакт генератор юритмаси эластик поликлин тасма воситасида ротор валига ўрнатилган кўп жилғали ва диаметри кичрайтирилган шкив орқали амалга оширилади. Узатманинг узатиш нисбати 3,0...3,5 гача орттирилган ва генераторнинг максимал айланиш частотаси 15000-18000 мин-1 га етказилган. Бу двигател салт ишлаган ҳолларда ҳам аккумуляторни 60-70 % гача заряд қилиш имкониятини беради ;
  
• 
  компакт генератораларнинг баъзи тур-ларида, тўғрилагич блокига икки диоддан ташкил топган қўшимча елка ўрнатил-моқда. Бу диодлар учинчи гармоника кучла-нишини тўғрилайди ва генераторнинг номинал қувватини тахминан 12…15 % га ошириш имконини беради.(бу усулни фақат статор чулғамлари “юлдуз” схемаси бўйича уланганда ишлатиш мумкин)
  
• 
  қуввати кичик бўлган диодлар VD9, VD10, VD11-генераторни ўз-ўзини уйғотиши зан-жирига уланган тўғрилагич блокининг бир қисмидир. Иккинчи қисми - VD2, VD4, VD6 диодлардан иборат