Avtomobil elektr jihozlariga qo‘yiladigan asosiy texnik talablar

QO'RG'OSHIN KISLOTALI AKKUMULYATORLAR BATAREYASININGVAZIFASI VA TUZILISHI Qo’rg‘oshin-kislotali akkumulator elementining elektr yurituvchi kuchi (EYUK) 2 V ga teng bo’lib, 12 V kuchlanishga ega bo’lgan akkumulatorlar batareyasini hosil qilish uchun oltita akkumulator elementi ketma-ket ulanadi. Qo’rg‘oshin-kislotali akkumulatorlar batareyasining ichki qarshiligi kichik bo’lganligi sababli, ularga startor ulanganda akkumulatordagi kuchlanish￾ning pasayishi nisbatan kam bo’ladi. Shuning uchun qo’rg‘oshin-kislotali akkumulatorlarning bir qator kamchiliklari bo’lishiga qaramasdan (mexanik mustahkamligi yetarli emas, xizmat muddati nisbatan kichik va hokazo) avtomobillarda juda keng ko’lamda ishlatiladi, chunki ularning tavsifnomalari startor rejimiga eng to’la mos keladi. Akkumulatorlar batareyasi (1.37-rasm) yaxlitqobiq 12 da joylashtirilgan uch yoki oltita ketma-ket ulangan akkumulatorlardan tashkil topgan. Har bir akkumulator bir-biridan to’siqlar bilan ajratilgan. Akkumulatorlar batareyasining qobig‘i ebonit, termoplast, polipropilen va polistirol kabi kislotaga chi-damli, mexaniq mustahkamligi yetarli darajada yuqori bo’lgan materiallardan tayyorlanadi. Qobiqning har bir bo’limining pastki qismida musbat va manfiy plastinalar tayanadigan qovurg‘alar 13 bo’lib, ular akkumulator tubiga cho’kmalar yig‘ilganda (aktiv massa to’kilganda) plastinalarni qisqa tutashuvdan saqlaydi.