Автоматика асослари ва микропроцессор техникаси

Операция – бу майдон команда мнемокоди ёки ассемблер директивасидан ташкил этилади. Команда коди ва операнд ораси пробел билан ажратилади.
Операнд – бу регистрлар, адреслар, метка ва константаларнинг символик номи. Константалар иккилик (префикс b, b‘1101101), ўн олтилик (префикс h, h’2asf) ёки ўнлик (префикс йўқ) санноқ системаларида аниқланиши мумкин. Икки операнд мавжуд бўлганда уларнинг ораси вергул билан ажратилади. Баъзи командаларда операндлар бўлмайди ва операндлар майдони бўш қолади. Операндлар сифатидла Бирон-бир ибора ҳам бўлиши мумкин. Ассемблер дастурини ўрганишнинг дастлабки босқичларида улардан фойдаланмаслик ҳам мумкин.
Изоҳ – нуқтали вергул билан бошланади. Агар дастур қатори нуқтали вергул билан бошланса, унда бутун қатор изоҳ ҳисобланади ва унда ҳар қандай символлар исталган кетма-кетликда жойлашиши мумкин. Изоҳ дастурни ҳужжатлаштириш ва тушунтириш учун ёрдамчи восита ҳисобланади. Лекин изоҳни ёзаётганда шунга эътибор қилиш керакки, қисқа вақтдан сўнг изоҳ авторнинг ўзига ҳам тушунарсиз бўлиб қолмасин.
Ассемблер директивалари.
Ассемблер директивалари (шартли командалари) транслятор ишини бошқаради ва машина кодига ўгирилмайди. Ҳамма директивалар метка ва изоҳга эга бўлиши мумкин.
.ORG директиваси – команданинг кейинги бажарилишида навбатдаги хотирада жойлашадиган бошланғич адресини аниқлайди. .ORG директиваси кейинги адресдан бошланади.
.END директиваси охирги қаторда жойлашади ва трансляторга дастур тугалланганлигини кўрсатади. Дастурда фақат битта .END директиваси бўлади.
.EQU директиваси (эквивалентлик) мос равишда константа, адреслар, регистрлар ва бошқа шунга ўхшаш символик номларга қўйилади. Баъзи ҳолатларда,масалан, адреслар, фақат .ORG директивасини таҳрирлаш етарли.
.SET директиваси худди .EQU директиваси каби ишлайди, фақат .EQU дан фарқли равишда дастурда символик номнинг қийматини қайта аниқлаб бир неча марта ишлатилиши мумкин. Бу турли қийматларда битта символик номдан фойдаланиш имконини беради.
.DB директиваси хотира ячейкасини резервлайди ва унга тақдим этилаётган иборани жойлаштиради. Иборалар сифатида қўштирноқ орасига олинган символлар занжири ишлатилиши мумкин. (масалан «STOP»).
.DW директиваси .DB директивасига ўхшаш бўлади, фақат фарқи шуки ҳар бир ибора иккита хотира ячейкасида сақланади ва символлар занжирига йўл қўйилмайди.
.RS директиваси фақат хотира ячейкасини резервлайди. Ибора сифатида резервланадиган ячейкалар сони ёзилади холос.