Автоматика асослари ва микропроцессор техникаси

1) Такт частотаси. Частота қанчалик катта бўлса микропроцессор тезкорлиги шунча юқори бўлади. Такт частотаси импульслари тизимли платада жойлашган генератордан берилади. Микропроцессор такт частотаси - генераторнинг 1 секундда ҳосил қиладиган импульслар сони.
2) Разрядлилик, яъни бир вақтда қайта ишланадиган иккилик разряднинг максимал сони.
Микопроцессор разрядлилиги билан белгиланади.
m – ички регистр разрядлиги, процессорнинг у ёки бу синфига тегишли эканлигини аниқлайди.
n - маълумотлар шинаси разрядлиги, маълумот узатилиш тезлигини аниқлайди.
k - адрес шинаси разрядлилиги, адреслар кенглиги ўлчамини аниқлайди.
Масалан, i 8088 микопроцессор =16|8|20 қийматлари билан тавсифланади.
3) Архитектура микропроцессорда архитектура тушунчаси командалар тизими ва адреслари усуллари, командаларни берилган вақтда бажарилишга мос келиши, микропроцессор таркибида қўшимча қурилмаларнинг мавжудлиги, унинг схемаси, принципи ва режимлари каби параметрларни ўз ичига олади.
Микро ва маро архитектура тушунчалари ажратилади.
Микопроцессорнинг микро архитектураси – бу микропроцессорнинг аппаратли ташкил этилиш ва мантиқий қурилмаси, регистрлар, бошқарувчи схемалар, арифметик-мантиқий қурилмалар, хотира қурилмалари ва уларни боғлаб турувчи ахборот магистралларидир.
Макроархитектура – бу микопроцессорнинг иш принципи ва адреслаш режимлари, маълумотларни қайта ишловчи команда тизимлари.


Микопроцессор тизимларининг намунавий структураси
Микропроцессорнинг намунавий структураси расмда келтирилган (1-расм).

1-расм. Микропроцессорли тизим структураси.


У уч асосий турдаги қурилмани ўз ичига олади.
- процессор;
- хотира, жумладан оператив тезкор хотира, (ОЗУ, RАМ - Random Aecess Memory) ва доимий хотира (ПЗУ, RОМ, -Read only Memory) маълумотлар ва дастурларни сақлаш учун хизмат қилади.
-киритиш-чиқариш қурилмаси (УВВ; Input-Output Devices); микропроцессор техникасини ташқи қурилмалар билан боғлаш, кирувчи сигналларни қабул қилиш (кириш, ўқиш, Read) ва чиқиш сигналлари тузатиш (чиқиш, ёзиб олиш, Write) учун хизмат қилади.
Барча микопроцессор техникаси қурилмалари умумий тизим шинаси билан бирлаштирилади (у яна тизимли магистрал ёки канал деб ҳам аталади).
Тизимий магистрал қуйи даражадаги тўртта асосий шиналарни ўз ичига олади.
- адрес (шинаси (Adress Bus);
- маълумотлар шинаси (Data Bus);
- бошқариш шинаси (Control Bus);
- таъминот шинаси (Power Bus).