Audit va iqtisodiy tahlil

Bitiruv malakaviy ishining maqsadi va vazifalari. 
Ushbu bitiruv 
malakaviy ishining maqsadi xususiy sektor korxonalarida to‘g‘ri soliqlar hisobi va 
auditini takomillashtirish yuzasidan tegishli xulosa va takliflarni shakllantirishdan 
iborat.
Yuqoridagi maqsaddan kelib chiqib, ishni bajarishda quyidagi vazifalar 
belgilab olindi:
-
modernizatsiya jarayonlarini amalga oshirishda soliq tizimining tutgan 
o‘rni, soliqlarning davlat byudjeti daromadlarini shakllantirishdagi ahamiyatini 
ochib berish;
-
to‘g‘ri soliqlar hisobining maqsadi va vazifalarini belgilash, ularning 
dastlabki hisobini tashkil qilishning hozirgi holatini tadqiq qilish;
-
to‘g‘ri soliqlar hisobini va auditini takomillashtirish bo‘yicha takliflar 
ishlab chiqish;
-
ish haqidan undiriladigan daromad solig‘i, yagona soliq to‘lovi 
hisobining amaldagi holati va uning muhim jihatlarini tadqiq etish; 
-
to‘g‘ri soliqlar auditini rejalashtirish va tashkil etishning muhim 
jihatlarni ochib berish. 
Bitiruv malakaviy ishining ob’ekti va predmeti. 
Tadqiqot ob’ekti 
sifatida Toshkent shahridagi, kur’erlik xizmatlarini ko‘rsatuvchi “EXPRESS 
MAIL UNIVERSAL” MChJ korxonasi olindi. Tadqiqotning predmeti bo‘lib 
xususiy sektor korxonalarida to‘g‘ri soliqlar hisobi va auditining konseptual 
asoslarini tadqiq etish masalalari hisoblanadi.
Bitiruv malakaviy ishining nazariy va amaliy ahamiyati. 
Tadqiqotning 
nazariy va amaliy ahamiyati
 
bo‘lib, O‘zbekiston Respublikasining Qonunlari, 

---

5 
O‘zbekiston Respublikasi Prezidenti SH.M.Mirziyoyev asarlari, nutqlari va 
maqolalarida iqtisodiy islohotlarni chuqurlashtirish, mamlakat xalqaro iqtisodiy 
munosabatlarini rivojlantirishga oid masalalari bo‘yicha bayon etgan xulosalaridan 
muhim manba sifatida foydalaniladi. Bundan tashqari ilmiy ishda asos bo‘lib, 
Soliq kodeksi, buxgalteriya hisobi va auditorlik faoliyatining xalqaro va milliy 
standartlari, Moliya Vazirligi nizom va yo‘riqnomalari, shuningdek, mamlakatimiz 
yetakchi olimlari va mutaxassislarining ushbu muammoga oid ilmiy-tadqiqot 
natijalaridan foydalaniladi.