«audit» kafedrasi «Ichki audit» fanidan

7.4. Asosiy vositalar va nomoddiy aktivlar bo’yicha ichki audit o’tkazish
Asosiy vositalar va nomoddiy aktivlar bo’yicha ichki audit o’tkazishdan maqsad korxonada O’zbekiston Respublikasi qonun hujjatlariga asoslangan holda foydalanish uchun hisob muomalalari, asosiy vositalar va nomoddiy aktivlar bo’yicha metodik qo’llanma yaratish va korxonada audit tamoyillariga asoslangan holda asosiy vositalar va nomoddiy aktivlarga eskirish hisoblashni va ularni ta’mirlashda bo’ladigan xarajatlarni to’g’ri aks ettirishni to’g’ri yo’lga qo’yishdan iborat.
Asosiy vositalarni audit qilishda quyidagilarni aniqlash zarur bo’ladi:
1. Asosiy vositalar hisobga olinganda 5-son BHMSga rioya qilinganmi va hisobda to’g’ri aks ettirilganligini tekshirish lozim.
2. Asosiy vositaga eskirish hisoblash to’g’ri amalga oshirilganmi.
3. Asosiy vositalarni saqlanishi bo’yicha nazoratni yo’lga qo’yilganligini tekshirish .
4. Asosiy vositalar qayta baholanishi bo’yicha buxgalteriya yozuvlarini hisobda to’g’ri yuritilganligini tekshirish.
5. Asosiy vositalarni kirim qilinishi va chiqib ketishi bo’yicha hisob kitoblarni to’g’ri yuritilishini nazorat qilish.
6. Buxgalteriya hisobi va hisobotida asosiy vositalar harakatini to’g’ri aks ettirilganligi .
7. Asosiy vositalarni saqlanishi bo’yicha chora-tadbirlarni amalga oshirilganligi (korxona rahbari tomonidan xar bir asosiy vositaga javobgar shaxsning buyruq asosida tayinlanganligi).
8. Korxonada ishlovchi xodimning lavozimi korxonadagi javobgar shaxsning lavozimi bilan mos kelishi.
9. Asosiy vositalar bo’yicha inventarizatsiyani o’tkazilganligini tekshirish.
Asosiy vositalarni yuritilishidagi odatiy xatolar va kamchiliklar:
- Asosiy vositani o’z vaqtida kirim qilinmaganligi;
- Asosiy vositani kirim kilinganda boshlang’ich qiymatni noto’g’ri hisoblanganligi va shu asosda eskirish noto’g’ri hisoblanishi evaziga foyda solig’i bo’yicha bazani noto’g’ri hisoblanishi.
- Asosiy vositalar ta’miri tarkibiga rekonstruktsiyani kiritilishi.
- Amortizatsiyani hisoblaganda qoldiq summani hisobga olinmasligi.
- Asosiy vosistalarni kirimi va chiqimi bo’yicha schyotlar korrespondentsiyasini to’g’ri yuritilmasligi.
- Asosiy vositalarni sotganda foyda solig’ini noto’g’ri hisoblanishi.
- Asosiy vositalar bo’yicha inventarizatsiya o’tkazishni qonuniyligi.