Atv baholash

1.2. Qurilish mashinalarini baholashda foydalaniladigan asosiy

prinsiplar va atamalar

Mulkni baholashda har xil turdagi qiymatlar, baholashning prinsiplari va tartib-taomillari qo‘llaniladi.
Baholash, baholamoq, qiymat va baho, baholovchi kabi asosiy ibora va atamalarni ko‘rib chiqamiz.
“Baholamoq” fe’li baholash maqsadiga qarab turlicha ma’nolarni anglatadi: nimaningdir bahosini aniqlash, qiymatini belgilash, miqdorini baholash, sifati yoki qadri haqida hukm chiqarish. Avtotransport vostalarini baholashda baholovchi obyekt qadrini aniqlash uchun nafaqat miqdoriy va sifat parametrlarni belgilaydi, balki uning qiymatini ham aniqlaydi.
“Baholash” atamasi baholash bo‘yicha harakatni, yoki qiymat haqida xulosani, yoki tadqiqot natijalari taqdim qilingan hisobotni anglatadi. Bu baholash obyektini chuqur o‘rganishga asoslangan qiymat haqidagi xolis fikr. Baholashda ko‘p sub’ektizm mavjud, yakuniy natijaga baholovchining malakasi, uning ichki sezgisi, vaziyatni anglashi ta’sir qiladi. Shuning uchun bir necha mustaqil baholovchilar tomonidan amalga oshirilgan huddi shu obyektning baholanishi bir-biridan farqlanadi.
Qiymat va baho – bu turli tushunchalar.
Qiymat (baholashda) – bu pulda ifodalangan tovar yoki xizmatlar qadrini belgilaydigan iqtisodiy tushuncha.
Narx – bu mulk obyekti uchun to‘lanadigan summa, ko‘pincha tannarx va foyda darajasini aks ettiradi, odatda baholash qiymatiga teng bo‘lmaydi.
Baho – bu mulk obyektini realizatsiya qilish momentida bozor kon’yukturasini aks ettiruvchi tarixiy dalil.
Baholovchi – bu ma’lum mulk obyekti baholanishini amalga oshirish uchun maxsus bilimlarga ega mutaxassis.
Baholash faoliyatiga oid asosiy atamalar va tariflar O‘zbekiston Respublikasi Yagona milliy baholash standarining “I bo‘lim. Baholash faoliyatida foydalanladigan prinsiplar, atamalar va tariflar (1-son MBS)”da berilgan. Lekin avtotransport vositalarini baholashda foydalaniladigan asosiy atamalar va tariflar keltirilmagan.
Qurilish mashinalarini baholashda ham ko‘pgina atamalar qo‘llaniladi: