Atrof olam bilan tanishtirish Oylik mavzu: O’zbekiston – mening Vatanim! Guruh: O’rta Hafta mavzusi: Men va bolalar bog’chasi Davr: sentyabr oyining 1-haftasi Mavzu: Men va bolalar bog’chasi Maqsad

Tarbiyachi: Ko’rdingmi Zumratoy bizning bolalarimiz juda ham topqir va aqlli.
Zumratoy: Men sizlarga rag’bat sifatida savatchamdagi barcha meva va sabzavotlarni beraman.
Bolalar: Rahmat.
Tarbiyachi: Mana bolajonlar mashg’ulotimiz juda ham chiroyli va qiziqarli bo’lib o’tdi, to’g’rimi?
Bolalar:Ha
Tarbiyachi: Kelinglar. endi kuz fasli haqida qo’shiq kuylab mashg’ulotimizni yakunlaymiz.
(Barcha birgalikda qo’shiq kuylaydi)
Bog’lar ko’m- ko’k ko’ylagin, bo’yab oldi sariqqa,
Shildirar zilol suvlar, quloq solsang ariqqa.
Qiyov- qiyov turnalar, Janub tomon oldi yo’l ,
Ko’kka qarab bolalar, qiyqirib silkitar qo’l.
Go’zalar chaman qiyg’os, boshdan oshdi yumushlar,
Chevar qizlar tonnalab, terar oltin- kumushlar.

Atrof olam bilan tanishtirish
Oylik mavzu: Kuz bo’yoqlari.
Guruh: O’rta
Hafta mavzusi:Tabiat omborxonasi; sabzavotlar,mevalar,rezavor mevalar.
Davr: oktyabr oyining 2-haftasi
Mavzu: Kuzgi mevalar va sabzovotlar bilan tanishish
Maqsad: Bolalarga meva va sabzovotlaming foydali tomonlarini o'rgatish, bobodehqonlar mehnatini qadrlash,mustaqil, tez fikrlashga o’rgatish,sabzavot va mevalarni mevalarni bir-biridan farqlashga, rus va ingliz tili ko'nikmalarini shakllantirish.
Fan va tabiat markazida faoliyatning borishi:
Tarbiyachi:-Bolajonlar biz sog'lom,kuchli va tetik bo'lishimiz uchun bizga vitaminlar kerak bo'ladi. Vitaminlar meva sabzavotlarda,quyoshda suv va toza havoda bo’ladi.
Biz kuchli,sog’lom bo’lishimiz uchun vitaminlar bilan to’yingan meva sabzavotlardan ko’proq to’yib iste’mol qilishimiz kerak.Qani bolajonlar sabzavotlar qayerlarda o’sadi?
Bolalar: Dalalarda,polizlarda.
Tarbiyachi:To’g’ri,bolajonlar,sabzavotlar polizlarda yetishtiriladi,uni kimlar yetishtiradi.
Bolalar: Bog’bonlar,dehqonlar.
Tarbiyachi:To’g’ri bolajonlar sabzavotlarni dexqonlar yetishtiradilar.Lekin bog’bonlar mevalarni yetishtiradilar.Qani bolajonlar kimning uyida qanday mevali daraxt yoki poliz ekinlari bor.