Atrof olam bilan tanishtirish Oylik mavzu: O’zbekiston – mening Vatanim! Guruh: O’rta Hafta mavzusi: Men va bolalar bog’chasi Davr: sentyabr oyining 1-haftasi Mavzu: Men va bolalar bog’chasi Maqsad

Fan va tabiat markazida faoliyatning borishi:
Tarbiyachi: Daraxt bargi tillarang,
Mevalardan tomar bol.
Dalalarga bir qarang,
Oq gullardan chamanzor
Mana bolajonlar, o’lkamizga KUZ fasli ham kirib keldi. Har bir faslning chiroyi bo’lganidek, bu faslning ham o’zgacha hech qaysi faslga o’xshamagan xush tarovati bor. Shoir hamda yozuvchilarimiz aytganidek, bu fasl “Hazon”barglari bilan ajralib turadi. Kuz fasli kirib kelganda tabiat manzaralariga e’tibor bersangiz,ona tabiatimiz oltin libosga burkanadi. Go’zal tabiat manzaralari vujudga keladi. Kuz fasli o’zgaruvchan fasl bo’lib,ob-havomiz o’zgarib turadi, vaqti-vaqti bilan yomg’ir yog’adi,shamol bo’ladi.
Bolajonlar Kuzda shamol qanday ovoz chiqaradi?
Bolalar: G’uuuv-g’uuuv-g’uuuv.
(shu onda markazga sariq rangli libosda, boshida sariq rangli toj kiygan Quyosh bobo kirib keladi)
Tarbiyachi: Bolalar qaranglar, markazimizga kim tashrif buyurdi?
Bolalar: Quyosh bobo
Quyosh bobo:
Assalom bolajonlar
Shirin-u qaqajonlar
Quyosh bobo bo’laman
Sizga mehr beraman
Taftimdan yashnar olam
Hursanddir qiz-u bolam
(Birdan shamol turib, qora bulutlar kirib keladi)
Bulut:
Mana men qora bulut
Keldim juda uzoqdan
Quyosh yuzin to’saman
Yerga yomg’ir sochaman


Quyosh bobo:
To’xta bult, bulutjon
Biroz jaxlingni qilma
Sen quvnoq bolalarga
Vahima, qo’rquv solma


Bulut:
Endi menga ber navbat
Kuz bobomning sharti shu
Men zaminga kerakman
Endi doim sergakman
Tarbiyachi: Bolalar,ko’rdingizmi kuz faslida ob-havo juda o’zgaruvchan bo’ladi, charaqlab turgan quyosh yuzini birdaniga qora bulut qoplab, yomg’ir yog’ib yuborishi mumkin. Demak,kuz faslida osmonimiz bulutli bo’ladi. Sovuq tushishi bilan ayrim qushlarimiz issiq o’lkalarga uchib ketishadi, sovuqqa chidamli qushlarimiz esa o’lkamizda qolishadi.
Qushlar bizning do’stimiz. Atrofga qaranglar, Yerga to’kilayotgan sariq rangdagi barglar o’zgacha olamni yuzaga keltiradi. Mana bizning bog’chamizdagi daraxtlarimizdan ham Kuz faslining kirib kelganini kuzatsak bo’ladi.
Bolajonlar, bugun sizlar bilan Kuz faslini o’rganamiz va suhbatlashamiz. Kelinglar 2 guruhga bo’linib olamiz. Qani, o’ng tomonimga 1-guruh, chap tomonimga esa 2-guruh joylashsinchi?
O’ng tomondagi guruhimizga “Tomchilar”, chap tomondagi guruhimizga “Yaproqchalar” deb nom beramiz.
Hozir bizga “Tomchilar” guruhidan Sarvinozni sexrli yo’lakchaga taklif qilamiz. Qani Sarvinoz Bizga sexrli yo’lakchadan 5 ta qizg’ish, 5 ta sariq rangli barglardan olib keling. (Sarvinoz barglarni terib keladi).
Barakalla, ana endi olib kelingan barglarni sanaymiz.