Astanaqulova zuhraxon baxtiyorjon qizi

Pedagogik texnologiya – ta’lim shakllarini optimallashtirish maqsadida o’qitish va o’zlashtirish jarayonini inson va texnika imkoniyatlari hamda ularning o’zaro tahsirini hisobga olgan holda yaratish, tatbiq etish va aniqlash tizimidir.
Pedagogik texnologiyaning hozirgi zamon talablari doirasidagi tub maqsadi, o’qitishning an’anaviy ta’lim metodida og’zaki bayon qilish usullaridan voz kechib, test asosida mashina (kompyuter) yordamida o’qitishdan o’quvchilarni ko’proq mustaqil ta’lim olishga undashdan iborat. Bunda o’qituvchi o’quvchilar bilim faoliyatini boshqaruvchisi, maslahatchi, yakuniy yo’llovchi vazifasini bajaradi.
Demak, pedagogik texnologiya - amaliyotga joriy etish mumkin bo’lgan ma’lum pedagogik tizimning loyihasidir.
Ta’lim amaliyotida pedagogik texnologiyalarning qo’llanilishi ta’lim tizimi modernizatsiyasining tarkibiy elementi hisoblanadi. Zamonaviy sharoitda ta’lim-tarbiya jarayonlarini texnologiyalashtirish kam kuch va vaqt sarflagan holda kutilayotgan natijani qo’lga kiritishga imkon beradi, o’qitish sifatini yaxshilab, samaradorligini oshiradi.
Pedagogik texnologiyani samaradorligi shundan iboratki, unda turli o’qituvchilar deyarli har xil yakuniy erishish imkoniyatiga ega bo’ladilar. Bu esa, barcha o’quv yurtlariga yagona ta’lim standart talabiga javob beradigan mutaxassislar tayyorlash vazifasi yuklatilgan hozirgi davrda biz O’zbekistonlik pedagoglar uchun nihoyatda muhimdir.
Pedagogik texnologiya mohiyat jihatidan boshqa texnologiyalar bilan bir safda turadi, chunki ular ham boshqalar qatori o’z xususiy sohasiga, metodlari va vositalariga egadir. Biroq pedagogik texnologiya inson ongi bilan bog’liq bilimlar sohasi sifatida murakkab va hammaga ham tushinarli bo’lmagan pedagogik jarayonni ifoda etishi bilan ishlab chiqarish va axborotli texnologiyalardan ajralib turadi. Pedagogik texnologiyaning o’ziga xos xususiyati, tarbiya komponentlarini o’zida mujassamlashtirganidir.
Pedagogik texnologiya boshqa sohalardagi texnologik jarayonlar bilan uzluksiz boyib boradi va anahnaviy o’quv jarayoniga, uning samarasini oshirishga tahsir ko’rsatishning yangi imkoniyatlarini egallab oladi.
Asosiy maqsad – shaxsning talim va tarbiyasi hamda uning aqlan va jismonan rivojlanishi bilan bog’liq kasbiy faoliyat ekanligini nazarda tutsak, qanday nomlanishidan qat’iy nazar, pedagogik texnologiya komil inson tushinchasiga mazmunan singib ketadi.