Astanaqulova zuhraxon baxtiyorjon qizi

2.1.Texnologiya fanini o’qitishning an’anaviy (mantiqiy, ko’rgazmali, amaliy, muammoli) ta’lim metodlari.
Mantiqiy o’qitish metodlarining o’ziga xos xususiyatlari shuki, unda o’qitish jarayonini o’qituvchining mehnat usullarini namoyish qilish va o’quvchilarni unga taqlid qilishi asosida tashkil topadi.
Asosiy shartlari quyidagilardan iborat [21]
1. Topshiriqni aniqlash, uning maqsadi va bajarishni tushuntirish.
2. O’quvchilarda zarur bilimlarning mavjud bo’lishi.
3. Ta’lim metod va usullarini shakllantirayotgan ko’nikma va malakalarni xususiyatlariga moslash.
4. Instruktajning samaradorligi.
5. Mashqlarning yetarli miqdorda va o’quvchi malakasiga mos bo’lishi.
6. O’quvchilar faoliyatini o’z vaqtida va obyektiv baholash, o’quvchilarni baholash natijalaridan xabardorligi.
7. O’quvchilarning dars jarayonidagi faolligi.
Ko’rsatmali metodni asosan o’rganiladigan obektlar, jarayonlar va ularning tasvirini namoyish qilish va o’quv qurollari bilan ishlash kabi usullar orqali amalga oshiriladi. Mehnat ta’limida ko’rsatmali metodning xususiyati shundan iboratki, bunda ko’rsatmalilik ko’pincha o’quv materialiga ilyustratsiya sifatida emas balki uning o’zi bilim manbai bo’lib ko’p hollarda esa ko’nikma va malakalarni shakllantirish usuli bo’lib xizmat qiladi.
Ushbu metod namoyish qilish, amalda ko’rsatish va sayohat darslari sifatida tashkil etiladi.
Amaliy metodlar instruktaj va mashqlar orqali amalga oshiriladi. Shu nuqtai nazardan instruktajga qo’yiladigan talablarni qarab chiqish maqsadga muvofiq:
1. Instruktaj jarayonida ta’limning har xil metod va usullarini omilkorlik bilan kombinatsiyalash.
2. Instruktaj mazmunini o’qituvchi asoslashi.
3. Instruktajni to’laligi va instruktajni elementlarga ajratish.
4. Instruktajda shunday ko’rsatmalar bo’lishi kerakki, o’quvchilar ular yordamida o’z faoliyatlarini nazorat qila olishlari lozim.
Instruktajlarni yana quyidagilarga ajratamiz: kirish, joriy va yakuniy.
Texnologiya fani jarayonida tatbiq qilish har bir yangi operatsiyani qisqa muddatli mashqlarda boshlash maqsadga muvofiq ekanligini ko’rsatmoqda.
Ushbu o’quv mashg’ulatlari amaliy xarakterga ega bo’lgan darslar bo’lgani uchun bunday darslarni bayon etishda labaratoriya-amaliy metodi, mashq metodi va texnik adabiyotlar va hujjatlar bilan ishlash metodlaridan foydalaniladi.