Asrlarni qoldirgan davron navoiy!

1-boshlovchi:

SULTON NAVOIY

Dil mulkidin dur tutgan sulton Navoiy,

Hikmat otliq nur tutgan osmon Navoiy!

Tafakkurning tog‘iga chiqmoq istasang,

Umring tilab qo‘l cho‘zgan imkon Navoiy!

2-boshlovchi:

Go‘zallikning mevasi ko‘kdan tushmagay,

Turkiy tilda bol bergan bog‘bon Navoiy!

O‘qiganga ming rahmat uqganlar aytsin,

So‘z ila el qadriga qalqon Navoiy!
Besh yuz yillar besh ming bor kelgaydir illo,

Asrlarni qoldirgan davron Navoiy!

1-boshlovchi:

Assalomu alaykum, aziz o‘quvchilar, hurmatli ustozlar! Bugun ozod va obod yurtimizda yana bir qutlug‘ tantana, qutlug‘ bayram - buyuk shoir va mutafakkir, xalqimizning ulug‘ farzandi hazrat Alisher Navoiy bobomiz tavalludining 580 - yilligi butun yurtimizda keng nishonlanmoqda!

2-boshlovchi:

Assalomu alaykum, aziz o‘quvchilar! Darhaqiqat, mustaqillik yillarida jonajon yurtimizning kelajagi bo‘lgan yoshlarni, barkamol avlodni tarbiyalashda ulug' dahomiz yaratgan asarlar beminnat xizmat qilmoqda.

Marhamat, tinglang va tomosha qiling! G`azal mulkining sultoni Mir Alisher Navoiy bobomizning tavallud ayyomiga bag’ishlab maktabimizning iqtidorli va faol o‘quvchilari tayyorlagan adabiy kechani e'tiboringizga havola etamiz!

2. 1-boshlovchi: Tadbirimizning avvalida e'tiboringizga 11 ^“G” - sinf o‘quvchilari chiqishini havola etamiz.

1- o‘quvchi:

Boyqaro irg’ishlab istak otida,

Jahonga boqqanda misli bola sher.

Hirot darvozasin bir qanotida

She'riy lashkarini tuzgan Alisher.
2- o‘quvchi:

Dunyoda biror nom qoldirmoq uchun,

Yurt burish shart emas, degan gapku rost.

Kimdir pesh qilganda nayzaning kuchin,

Alisher qalamni korsatgan, xolos.
3 - o‘quvchi:

Sen hurlik, adolat, ishqni kuylading,

Haqqoniy suxanlar elga so`ylading.

Jahonda shuhrating so`nmaydi aslo,

Sen tirik, sen o`lmas, senga tasanno!