Asqatova sevinchning

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI MIRZO ULUG‘BEK NOMIDAGI O‘ZBEKISTON MILLIY UNIVERSITETINING JIZZAX FILIALI

“AMALIY MATEMATIKA” fakulteti, “BIOTEXNOLOGIYA” kafedrasi, 5320500-“Biotexnologiya”(tarmoqlar bo`yicha) yo‘nalishi 50-21 guruh 1-bosqich talabasi
ASQATOVA SEVINCHNING
“BIOTEXNOLOGIYA” FANIDAN
MAVZU: Meva-sabzavot konserva mahsulotlari ishlab chiqarish texnologiyasi


KURS ISHI RAHBARI: SAYYORA MURODOVA


MUNDARIJA
KIRISH……………………………………………………………..3
Mavzuning dolzarbligi…………………………………..................4
Maqsadi vazifalari…………………………………….....................4
ADABIYOTLAR SHARHI….……………………………………..4
1-BOB. MEVA VA SABZAVOTLARNI KONSERVALASHNI
UMUMIY TEXNOLOGIYASI VA QURUTISH USULI
1.1 Meva va sabzavotlarni konservalashning umumiy texnologik
jarayonlari……………………………………………………….5
1.2 Meva va sabzavotlarni quritish usulida konservalash
texnologiyasi………………………...…………………..………12
1.3 Meva va sabzavotlar konservalarining assortimenti…………….16
2-BOB. MEVA VA SABZAVOTLARNI KONSERVALASH USULLARI
VA ULARGA QO`YILADIGAN TALABLAR
2.1 Meva va sabzavotlarni mikrobiologik usulda konservalash……19
2.2 Bankali konservalarning ahamiyati va ular aynishining
Sabablari………………………………………………………...23
2.3 Meva va sabzavotlarni konservalashda qo`yilgan talablar...……27
XULOSA…………………………………………………………….30
FOYDALANILGAN ADABIYOTLAR ………………………...…33

KIRISH
Inson qishloq xo’jalik mahsulotlarini iste’mol qila boshlagandan buyon uni saqlash va qayta ishlash bilan shug’ullanib kelmoqda. Yetishtirilgan mahsulotni nes-nobud qilmasdan va sifatini pasaytirmasdan saqlash, undan unumli foydalanish qadimdan inson ehtiyojlaridan biri bo’lgan. Ko’chmanchi xalqlar yig’ilgan meva va urug’larni saqlash uchun maxsus yer to’lalar qurishgan. Qabilalar o’troq bo’lib yashay boshlagan paytda ortiqcha mahsulotlarni saqlab, zararkunandalardan himoya qila boshlashgan.
O’rta Osiyo, jumladan, O’zbekiston sharoitida ham qadimdan qishloq xo’jalik mahsulotlarini saqlash va qayta ishlashga e’tibor berib kelingan. Mintaqamizda ob-havo yil va bir kecha-kunduz davomida o’zgaruvchan bo’lganligi sababli go’sht, yog’, sut, baliq, tuxum kabi mahsulotlar issiqda tez ayniydi, juda qattiq sovuqda esa sabzavot va mevalar muzlab qoladi. O’zbekistonda qishloq xo’jalik mahsulotlari saqlashning eng qadimgi usullaridan ko’mib yoki osib saqlash, qoqi qilish, quritish kabilar keng qo’llaniladi. Mahsulotlarni saqlash, qayta achitish, sabzavot, don, meva, go’sht, qazi va tuxumni ko’mib saqlash, poliz mahsulotlarini, osib saqlash, turli meva, qovun, pomidordan qoqi tayyorlash, uzum, ukrop, kashnich, rayhon, jambil va qizil qalampirni quritish amalda keng qo’llanib kelingan. Asosan, quruq mahsulotlar tez buzilmaydigan mahsulotlar hisoblanib, ular quruq joyda, shisha, chinni yoki pool idishlarda, yopiladigan qog’oz qutilarda saqlangan.
Ma’lumki, qishloq xo’jalik mahsulotlari yilning muayyan mavsumida yetishtiriladi, shu sababli ularni uzoq vaqt saqlash va qayta ishlashni tashkil qilmay turib, aholini yil bo’yi turli mahsulotlar bilan ta’minlash masalasini hal qilib bo’lmaydi. Qishloq xo’jalik mahsulotlarini ishlab chiqarish ko’paygan sari ularni saqlash va qayta ishlash ham takomillashtirilmoqda, yangi zamonaviy omborxonalar qurilmoqda.
Konservalash bu oziq-ovqat mahsulotlarini buzilishdan saqlash va yaroqlilik muddatini uzaytirish maqsadida ishlov berish usulidir. Qishloq xo’jalik mahsulotlarini yig’ish, tashish, saqlash va konservalash ilmiy tashkil qilinsa, bu borada fan-texnika yutuqlari hamda ilg’or tajribaga tayanib ish ko’rilsa, mahsulotning isrof bo’lishi ancha kamayadi. Shu hisobdan aholi 20 % va undan ham ko’proq qo’shimcha qishloq xo’jalik mahsulotlari bilan ta’minlanishi mumkin.