Asosiy qoidalar

362-modda. Ayblovni o‘zgartirish, tugatish va to‘ldirish

---

Basharti tergov o‘tkazish chog‘ida dastlabki ayblovni qayta ko‘rib chiqishni taqozo etadigan
yangi dalillar to‘plangan bo‘lsa yoki dastlabki ayblovning noaniqligi yoxud yuridik tavsifi noto‘g‘riligi
ma’lum bo‘lib qolsa, dastlabki ayblov o‘zgartirilishi, qisman tugatilishi yoki to‘ldirilishi lozim. Bu
haqda tergovchi qaror chiqaradi va unda ayblovning yangi mazmunini bayon qiladi.
Oldingi
 tahrirga qarang.
Ushbu Kodeksning 
83-moddasida
 hamda 84-moddasining 
birinchi
 va 
beshinchi qismlarida
nazarda tutilgan ayblanuvchini reabilitatsiya etish uchun asos bo‘ladigan yoki ishni yuritish uchun
monelik qiladigan holatlar aniqlansa, ayblov tugatiladi.
(362-moddaning ikkinchi qismi O‘zbekiston Respublikasining 2010-yil 27-dekabrdagi O‘RQ-277 sonli
Qonuni
 tahririda — O‘R QHT, 2010-y., 52-son, 509-modda)
Ayblovni tugatish to‘g‘risida tergovchi qaror chiqaradi. Bir yo‘la shu qaror bilan tergovchi
ayblanuvchiga nisbatan qo‘llanilgan ehtiyot chorasi, mulkni xatlash, lavozimdan chetlashtirish
choralarini bekor qiladi va shaxsga ayblanuvchi tariqasida ishda ishtirok etishga qonunsiz jalb
qilinganligi sababli ko‘rgan ziyonlarini undirib olish huquqiga ega ekanligini tushuntiradi.
Qarorning nusxasi shu shaxsga darhol taqdim qilinishi yoki yuborilishi lozim.
363-modda. Tugatilgan ayblovni qayta tiklash
Basharti Jinoyat 
kodeksi 
yoki ushbu Kodeks normalarini qo‘llanishdagi xatolar natijasida ish
tugatilgan bo‘lsa, shuningdek ayblanuvchining aybliligini ko‘rsatuvchi yangi dalillar aniqlansa,
tugatilgan ayblov qayta tiklanishi mumkin. Bunday hollarda, shuningdek ayblovni noto‘g‘ri
tugatish odil sudlovga qarshi qaratilgan jinoyatning yoki ayblanuvchi tomonidan yoxud
ayblanuvchining iltimosi yoki roziligi bilan harakat qilgan o‘zga shaxs tomonidan dalillarni
qalbakilashtirish, yashirish yoxud yo‘q qilib yuborishning oqibati bo‘lsa, ayblov Jinoyat kodeksining
64-moddasida 
belgilangan jinoiy javobgarlikka tortish muddati ichida qayta tiklanishi mumkin.