Асосий конституциявий янгиликларнинг мазмуни ва моҳияти

Сенатнинг назорат қилувчи, ҳуқуқни муҳофаза қилиш органлари
ва махсус хизматлар фаолияти устидан назорат функцияси кучайтирилмоқда. Хусусан, Сенат розилиги билан Бош прокурор ва Ҳисоб палатаси раисини, Сенат билан маслаҳатлашувлардан сўнг Давлат хавфсизлик хизмати раисини Президент томонидан тайинлаш тартиби жорий этилмоқда (95-модда).
5.2. Давлат ҳокимияти механизмида ўзаро тийиб туриш тизимини янада такомиллаштириш мақсадида Олий Мажлис палаталарига ўзларини тарқатиб юбориш ваколати берилмоқда. Бунда, тарқатиб юбориш тўғрисидаги қарор Қонунчилик палатаси депутатлари ёки Сенат аъзолари умумий сонининг
1/3 қисми ташаббуси ва камида 2/3 қисмидан иборат кўпчилик овози билан қабул қилинади (94 ва 95-моддалар);
Бир қатор хорижий мамлакатлар, масалан, Исроил, Болгария, Туркманистон
ва бошқалар парламентлари ўзларини тарқатиб юбориш ҳуқуқига эга. Бунда, баъзи мамлакатларда парламент оддий кўпчилик овози билан қабул қилинган қарори асосида ўзини тарқатиб юбориш ҳуқуқига эга – Австрия, Хорватия, Венгрия, Туркияда; малакали кўпчилик овози билан – Босния ва Герцеговинада, Кипрда; учдан икки қисмидан иборат кўпчилик овози билан – Қирғизистон ва Польшада; (сайланган) аъзоларнинг бешдан
уч қисмидан иборат овози билан – Литвада.
5.3. Олий Maжлис палаталарининг назорат ваколатлари, шу жумладан парламент текширувини ўтказиш ваколатини мустаҳкамлаш орқали кенгайтирилмоқда (103-модда).
5.4. Олий Мажлиснинг палаталарнинг Коррупцияга қарши курашиш бўйича ҳар йиллик миллий маърузани кўриб чиқиш бўйича ваколатларини мустаҳкамлаш орқали коррупцияга қарши курашни амалга оширишдаги роли ва молия-бюджет интизоми устидан назорат кучайтирилмоқда (93-модда).
5.5. Жойларда маҳаллий бошқарув тизими тубдан ўзгармоқда.
Вилоят, туман, шаҳар ҳокими лавозимини эгаллаб турган шахс бир вақтнинг ўзида тегишли халқ депутатлари Кенгашининг раиси лавозимини эгаллай олмаслиги тўғрисидаги норма белгилаб қўйилмоқда. Шу билан бирга, Халқ депутатлари Кенгашига унинг депутатлари орасидан сайланадиган раис бошчилик қилади белгиланмоқда (120-модда).
Маҳаллий даражада ижро этувчи ва вакиллик ҳокимиятининг бўлиниши мамлакатда бутун давлат бошқаруви тизимини чуқур ислоҳ қилиш учун асос бўлади.
ИЖРО ЭТУВЧИ ҲОКИМИЯТ.