Asos solingan yil

IMHO- ingl: in my humble opinion, uzbekcha ma’nosi- mening kamtarona fikrimcha.
Megapiksel ingl: megapixel rus: мегапиксель
Tasvirni shakllantiradigan bir million piksellar. Raqamli foto va videokameralarning eng muhim xarakteristikalaridan biri, ya’ni matrisaning ajrata olish qobiliyati, megapikselda o‘lchanadi. Shuningdek, yaratilgan yoki skanerlangan tasvirning kattaligini ham ma’lum tasvirning kattaligi bilan solishtirish uchun megapikselda o‘lchanadi.
Maxfiy savol. ingl: secret question rus: секретный вопрос
“Maxfiy savol”+“Maxfiy javob”- bu qo‘shimcha parol. Siz asosiy parolingizni unutgan bo‘lsangiz, sizdan maxfiy savol so‘raladi, sizdan olingan javob esa maxfiy javob bilan solishtiriladi. Javoblar bir xil bo‘lsa, siz uchun fayllaringizga yo‘l ochiladi.
Mamlakat kodi. ingl: country code, rus: код страны.
Chaqirilayotgan mamlakatni belgilaydigan, bitta, ikkita yoki uchta raqamdan iborat birikma.
Keshlash. ingl: caching, rus: кеширование.
Ingliz tilidagi cache – “maxfiy zaxira” so‘zidan olingan. Kesh – kompyuter siz Internetdan olgan barcha hujjatlarni yozib qo‘yadigan jild. Agar hujjatni takroran so‘rasangiz, sizga keshning ichidagini ko‘rsatishadi. Proksi-server ham Internetdan olingan hujjatlarni maxsus jildga yozib qo‘yadi. Agar siz, yoki Internetning boshqa foydalanuvchisi shu hujjatga murojaat qilsa, proksi-server uni o‘zining keshidan yetkazib beradi. Siz buni sezmaysiz ham. Bu holda, siz uzoqdagi WWW-serverga shu hujjat uchun yana murojaat qilganingizga nisbatan, tezlik bir daraja yuqoriroq bo‘ladi.
GPS. Global Positioning System
Global joylashishni aniqlash tizimi. Maxsus GPS signallarni qabul qiluvchi qurilma yordamida o‘zining geografik koordinatalari, harakatlanish balandligi va tezligi, shuningdek, aniq vaqtni aniqlash imkonini beruvchi yo‘ldosh tizimi.

FAQ. Frequently Asked Questions

Tez-tez beriladigan savollar. Sayt foydalanuvchilarining asosiy savollariga bag‘ishlangan bo‘lim. Sizga nimadir tushunarsiz bo‘lsa, veb-masterga yozishdan avval FAQni o‘qing – balki u yerda javob bordir. Kengroq ma’noda FAQ – u yoki bu mavzudagi maslahatlar to‘plami, masalan, idish yuvish mashinasini tanlash yoki printerni sozlash bo‘yicha.