Asos solingan yil

SMS
Short Message Service. Qisqa xabarlar xizmati. Uyali aloqa tarmoqlarida qisqa matn xabarlarini uzatish va qabul qilish xizmati.
Kompilyator ingl: compiler rus: компилятор
Bir tilda yozilgan dasturni protsyessorning boshqa tilida ifodalangan dasturga aylantiruvchi dastur. Masalan, kompilyator C tilida yozilgan dasturni olib, uni "kompyuter tilida" yozilgan dasturga aylantiradi.
Kaptcha ingl: captcha rus: каптча
Completely Automated Public Turing test to tell. Computers and Humans Apart – Tyuringning kompyuterlar va insonlarni farqlash uchun to‘liq avtomatlashtirilgan ochiq sinovi. Tizim foydalanuvchisi inson yoki kompyuter ekanligini aniqlash uchun qo‘llaniladigan kompyuter sinovi. Karnegi-Mellon universitetining savdo markasi. Atama 2000 - yilda paydo bo‘lgan.
Sinovning asosiy g‘oyasi: foydalanuvchilarga inson yecha oladigan, biroq kompyuter yechishni o‘rganishi ancha qiyin bo‘lgan vazifani taqdim etish. Odatda bu belgilarni aniqlash vazifalari. Kaptcha ko‘pincha internet-servislarning botlar tomonidan foydalanilishining oldini olish maqsadida qo‘llaniladi, jumladan, xabarlarning avtomatik jo‘natilishi, ro‘yxatdan o‘tish, fayllarni yuklash, spamni jo‘natish va h.k.
Ikoncha ingl: icon, rus: иконка
Displey ekranida operasion tizimi muhitida ob’yekt yoki dasturni aks ettiruvchi kichik tasvir
Domen ingl: domain, rus: домен
1. Tarmoq ichida umumiy qoidalar va tartibotlar asosida yaxlit shaklda idora etiluvchi kompyuterlar va qurilmalar guruhi. Internet tarmog‘ida domen IP-manzil bilan belgilanadi.
2. Ikki nuqta orasidagi domen manzili qismi. Chekka o‘ng tomondagi domen yuqori pog‘ona domeni bo‘ladi.
Masalan: ministry.gov.uz – 3-pog‘ona domeni;
gov.uz – 2-pog‘ona domeni;
uz – yuqori pog‘ona domeni.
Shunday qilib, yuqori pog‘ona domenlari shajarasi tashkil bo‘ladi: yuqori pog‘ona uz (O‘zbekiston) domeni, o‘z ichiga olgan gov (hukumat) domeni, uni o‘z ichiga olgan ministry (vazirlik) va uni o‘z ichiga olgan www (www serveri). Nolinchi pog‘ona domenlari har doim tarmoq nomlarini bildiradi.
Nol pog‘ona domenlari – xalqaro shartnomalar predmeti.
Birinchi va undan yuqori pog‘ona domenlarini taqsimlash vakolatli tashkilotlar va provayderlar tomonidan amalga oshiriladi.
3. Ma’lumotlar bazalari texnologiyalarida domen atributning mumkin bo‘lgan qiymatlari tavsifidir.
4. Windows OTda domen bu kompyuterlarning mantiqiy guruhidir. U markaziy ma’lumotlar to‘plam katalogini ishlatuvchi Microsoft Windows operasion tizimining turli versiyalari bilan ish yuritadi. Mazkur markaziy ma’lumotlar to‘plami (Windows 2000 dan boshlab Active Directory, yana Windows NT Server OT da NT Directory Services) domen resurslari bo‘yicha foydalanuvchi hisobi va xavfsizlik ma’lumotiga ega. Har bir domendagi kompyuterdan foydalanuvchi o‘zining alohida hisobiga va foydalanuvchi nomiga egadir. Aynan shu foydalanuvchi hisobiga domen resurslariga kirish va foydalanish imkoniyati beriladi.