Ashirbaeva n omon muxtor romanlarida shakliy-uslubiy izlanishlar

2.2. Romanbop  rivoyani  taraqqiy  qildirish tamoyillari  

XX  asr  oxirlariga  kelib,  katta  janrda  ijod  qila  boshlagan  Omon  Muxtor 

o‘zbek  romanchiligiga  yangi  badiiy  talqin  ruhini  olib  kirishga  intilib,  har  bitta 

romanida  yangicha  shakllar  qidirib  topishga  urinadi.  «Ming  bir  qiyofa» 

romanidagi  Kultepaga  borishga  shahd  etgan  Nasriddin  va  uning  eshagi  bilan 

bog‘liq «Afandining bolaligi» hikoyati, «Egilgan bosh» romanidagi «Mullaning 

boshi  bormidi?»  ertagi,  dengizdagi  sayyoh  haqidagi  naql,  «Ko‘zgu  oldidagi 

odam»dagi tilsimli oyna bilan bog‘liq voqealar, «Aflotun»dagi sirli quduq bilan 

bog‘liq  motiv-epizodlar,  «Tepalikdagi  xaroba»dagi  tepalikdagi  xarobada  sodir 

bo‘luvchi  xotira  va  xayol  parvozlari  bilan  bog‘liq  g‘aroyibotlar,  «Ffu» 

romanidagi  hashamatli  saroyning  kutilmaganda  g‘oyib  bo‘lishiyu  Haydar 

Maxsum  «tilsim»lari  tasvirlangan  o‘rinlar,  «Ayollar  mamlakati  va  saltanati» 

romanidagi  «Bir  yolg‘onda  qirq  yolg‘on»  ertagi  ta’siri,    Afandining  o‘z 

---

 

 

37 

yolg‘oniga  ishonishi  bilan  bog‘liq  latifa,  bayon  ohangidagi  ertakka  xoslik 

o‘rinlarni  kuzatsak,  nosirning  folklor  an’analariga  faol  murojaat  qilayotganligi 

oydinlashadi. 

O.Muxtorning  zamonaviy  nasrda  xalq  og‘zaki  ijodi  an’analaridan 

samarali foydalanishi adabiyotshunos SH.Doniyorovaning ham diqqatini tortadi. 

U «Aflotun» romanida qo‘llanilgan xalq ertaklarining qadimiy motivlarini ayrim 

lavhalar  misolida  tahlil  etadi.

36

  Professor  U.Normatov  esa  O.Muxtor  romanlari 

xususida  to‘xtalar  ekan:  «Bu  asarlar  sharqona  milliy  ruh,  falsafa  bilan 

yo‘g‘rilgan...  xalq  og‘zaki  ijodi  namunalari-rivoyat  va  ertaklar  syujetining 

qayta  hikoyasi,  xususan  «Bir  yolg‘onda  qirq  yolg‘on»  ertagi  bayoni  asar 

matniga  ajib  fayz  va  jilo  baxsh  etgan...  Omon  Muxtor  romanlari  shakl-

shamoyili,  syujet  tuzilishi,  ifoda  tarzi  jihatidan  yangicha»,

37

  deb  yozadi.  Olim 

o‘z  e’tiborini  «Ffu»,  «Ayollar  mamlakati  va  saltanati»  romanlariga  qaratadi. 

I.YOqubov va M.Pirnazarovaning ayrim kuzatishlarida O.Muxtor nasrida adabiy 

an’analarning  o‘rni,  nosirning  adabiy  mistifikatsiyadan  badiiy  vosita  sifatida 

foydalanish mahorati singari masalalarga e’tibor jalb etilgan.

38

 

Badiiy tasvir usullaridan biri bo‘lgan adabiy mistifikatsiya hodisasi milliy 

adabiyotimizdagi  yangiliklardan  hisoblanadi.  Biror  narsaga  ataylab  sirli  tus 

berish,  yo‘q  narsani  bor  deb,  kitobxonni  ishontirishga  urinish  adabiy 

mistifikatsiyadir.  Odil  YOqubovning  «Ko‘hna  dunyo»  romanida  ilk  bor 

qo‘llanilgan bu tasvir usuli ijobiy natijalar bergan edi. YOzuvchi o‘z ko‘zlagan 

badiiy niyatiga erishishda obrazni yorqinroq ochish maqsadida qahramonlardan 

birining  kundaligi  detalidan  muhim  hujjat  sifatida  foydalanadi.

39

  Juzjoniy 

xotiralari  badiiy  to‘qima  bo‘lsa-da,  kitobxonni  ishontirishi,  roman  voqealari 

hayotiyligini  ta’minlash  jihatidan  xarakterlidir.  Mumtoz  adabiyotimizda 

«tajohili  orifona»  deb  yuritiluvchi  bu  usul  nosirning  o‘zini  bilib  bilmaslikka 

olishiga  asoslanadi.  Mazkur  shartli  vosita  zarur  hayotiy  detallar,  vaziyat  va 

                  

 

36 Дониёрова Ш. Омон Мухтор ижодида фольклор анъаналари. // Ўзбек тили ва адабиёти журнали. –Тошкент, 2001. №5. 64-67- бетлар  

37 Норматов У. Умидбахш тамойиллар. –Тошкент: Маънавият, 2000. 59-60- бетлар 

38 Ёқубов И., Пирназарова М. Адабий мистификация бадиий восита сифатида. Илм сарчашмалари (УрДУ ахборотномаси), 2001, №4. 31-32-бетлар; Пирназарова 

М. Омон Мухтор насрида миллий – адабий анъаналарнинг ўрни. Филологик тадқиқотлар. –Урганч, 2001. 46-50- бет 

---

 

 

38 

personajlar  taqdiri  bilan  uzviy  bog‘lansagina  obraz  haqqoniyligini  ta’minlay 

oladi. 

O.Muxtor  ham  «Ming  bir  qiyofa»  romanida  to‘qima  obraz  bo‘lgan 

Abdulla  Hakim  she’rlar daftari orqali qahramonlar taqdirini o‘zaro  tutashtiradi. 

Adib  adabiy  mistifikatsiya  hodisasidan  romanbop  rivoyani  taraqqiy  qildirish 

tamoyillaridan  biri  sifatida  foydalanadi.  Romanda  she’rlar  daftari  qahramon 

fikr-o‘ylari, taassurotlarini tahlil qilish imkonini beradi.