Asbesttsement va asbesttsement materiallari

3.Asbotsement buyumlar ishlab chiqarish texnologiyasi

Asbotsement buyumlar xo‘l, yarim quruq va quruq usullarda ishlab chiqariladi. Xo‘l usulda buyum

tarkibida 8-16% asbest va sement va 92-84% suv bo‘lgan suspenziyasini qoliplab olinadi. Yarim

quruq usulda buyum tarkibida 20-40% suv bo‘lgan qaymoqsimon massani qoliplab tayyorlanadi.

Quruq usulda buyum tarkibida 12-16% suv bo‘lgan asbotsement massasini qoliplab olinadi.

Asbotsement buyumlar ishlab chiqarish texnologiyasi quyidagi operatsiyalardan iborat: asbest

shixtasini tayyorlash, asbestni ezib hurpaytirish, sement va asbest va suv aralashmasini tayyorlash,

buyumni qoliplash, qotirish, mexanik ishlov berish.

Asbest shixtasi bir-necha navli asbestlarni optimal zichlikdagi, suv ushlashlik xususiyati yuqori

bo‘lgan massa hosil qilish uchun tayyorlanadi.

Asbestni xurpaytirish ikki bosqichda amalga oshiriladi: begun yoki valikli mashinalarda ezg‘ilash,

so‘ngra ezilgan asbestni gollenderlar yoki gidromexanik uskunalar vositasida xurpaytirish. Yarim

quruq va quruq usullarda asbest dezintegratorlar yordamida xurpaytirilishi mumkin.

Asbotsement qorishmasini tayyorlash buyumlar ishlab chiqarish usullariga ko‘ra turli uskunalarda

amalga oshiriladi.

Asbotsement suspenziyasi gollenderlar yoki turboqorgichlarda tayyorlanadi. Bunda gidravlik usulda

xurpaytirilgan asbest suspenziyasi, sement va qo‘shimcha suv (97-86% suv suspenziya tarkibida)

birgalikda aralashtiriladi. Yarim quruq usullarda asbotsement qorishmalar ikki bosqichda

aralashtirib olinadi: avval quruq komponentlar qorgichida, keyin davriy ishlaydigan betonqorgichda

suv qo‘shib tayyorlanadi.

---