Article · April 018 citations reads 1,022 author

Қашқарбеда (Melilotus officinalis L)
- ўсимлигининг ер устки қисми 
таркибида кумарин, мелилотин, мелилотозид гликозиди, кумар ва мелилот 

---

кислоталар ҳамда эфир мойи бор. 
Ўсимликдан тайѐрланган дамлама сурункали бронхит, бош оғриғи, 
гипертония ва бошқа касалликларда қўлланилади. Қашкарбеда ўсимлигидан 
тайѐрланган дориларни кўп миқдорда ва узоқ муддат қабул қилинмайди. Акс ҳолда 
бош айланиши, қусиш, уйқусизлик рўй бериши мумкин.
Дамлама қуйидагича тайёрланади:
бирор идишга 2 стакан қайнатиб 
совутилган сув қуйилади, устига ўсимликнинг майдаланган ер устки қисмидан 2 
чой қошиқ солиб, бир оз қўйиб қўйилади. Сўнгра докада сузилади. Кунига 2-3 
маҳал чорак стакандан ичилади. 
Чилонжийда (Zizuphus jujube Mill)- 
мевасининг таркибида қанд, органик 
кислоталар, кўп миқдорда витамин С, ошловчи моддалар, рутин, каротин ва бошқа 
моддалар бор. Ўрта Осиѐ халк медицинасида чилонжийда мевасидан тайѐрланган 
дамлама кўкрак оғриғи, астма ва қон босимини пасайтирувчи дори сифатида 
ишлатилади.

 

Дамлама тайёрлаш учун
: 
оғзи ѐпиладиган идишдаги 1стакан қайнаб турган 
сувга 20 г майдаланган мевадан солиб, 1соатга дамлаб қўйилади. Сўнгра докада 
сузилади. Кунига 3 маҳал овқатдан ярим соат олдин 2 ош қошиқдан ичилади. 
Кейинги вақтларда чилонжийда меваси қон босимини пасайтирувчи, сийдик 
ҳайдовчи таъсирга эга эканлиги тажрибада аниқланди ва илмий медицинада 
ишлатишга тавсия этилди. 

Лимонўт (Melissa afficinalis L)- 
ѐрқин лимон ҳидига ўхшаш, енгил гиѐҳлар 
ҳидига эга. Ўсимлик таркибида эфир мойи, витамин С, флавоноидлар, ошловчи ва 
бошқа моддалар бор. 
Абу Али Ибн Сино лимонўт ўсимлигини юрак ишини ва овқат ҳазм 
бўлишини яхшилаш учун фойдаланган. Шунинг учун ҳам ўсимликнинг доривор 
препаратлари (эфир мойи, дамлама) илмий медицинада гипертония касаллигини 
даволаш учун тавсия этилган.
Ўсимликдан дамлама тайёрлаш учун:
оғзи ѐпиладиган идишга 2стакан 
қайнаб турган сув қуйилади, ўсимликнинг майдаланган ер устки қисмидан ѐки 
майдаланган баргидан 8 чой кошик солиб, 4 соатга дамлаб қўйилади. Кунига 4 
маҳал овқатдан олдин ярим стакандан ичилади. Бир вақтнинг ўзида мой артериал 
босимини пасайишига ѐрдам беради ва юрак уруши бузилишида самарали бўлади.