Қарори халқ таълими тизими ходимлари меҳнатига ҳАҚ ТЎлаш тартибини такомиллаштириш тўҒрисида

Халқ таълими ходимлари меҳнатига ҳақ тўлаш тўғрисида
НИЗОМ


I. УМУМИЙ ҚОИДАЛАР

1. Ушбу Низом Қорақалпоғистон Республикаси халқ таълими вазирлиги, Тошкент шаҳар Халқ таълими бош бошқармаси, вилоятлар халқ таълими бошқармалари методистлари ва инспектор-методистлари, туман (шаҳар) халқ таълими бўлимларининг, давлат халқ таълим муассасаларининг раҳбар ва педагог ходимлари (кейинги ўринларда давлат халқ таълими тизими ходимлари деб аталади) меҳнатига ҳақ тўлаш ва уларни моддий рағбатлантириш тартиби ҳамда шартларини белгилайди.

Қорақалпоғистон Республикаси Халқ таълими вазирлиги, Тошкент шаҳар Халқ таълими бош бошқармаси, вилоятлар халқ таълими бошқармасининг бошқарув ходимлари меҳнатига ҳақ тўлаш тартиби ва шартлари Вазирлар Маҳкамасининг «Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида» 1996 йил 12 апрелдаги 147-сон қарори асосида белгиланади.
2. Давлат халқ таълими тизими ходимлари меҳнатига ҳақ тўлаш Ўзбекистон Республикасининг Меҳнат кодекси, ушбу Низом ва бошқа қонун ҳужжатларига мувофиқ амалга оширилади ва қуйидагиларни ўз ичига олади:
лавозим маошлари (тариф ставкалари);
лавозим маошларига қўшимчалар ва устамалар.


II. ДАВЛАТ ХАЛҚ ТАЪЛИМИ ТИЗИМИ ХОДИМЛАРИНИНГ ЛАВОЗИМ МАОШЛАРИ (ТАРИФ СТАВКАЛАРИ)

3. Давлат халқ таълими тизими ходимларининг лавозим маошлари:

давлат халқ таълими тизими ходимларининг лавозими ва малака тоифаси учун белгиланган базавий тариф ставкалари;
қонун ҳужжатларида белгиланган лавозим маошларига қўшимчалар ва устамалар асосида шакллантирилади.
Халқ таълими муассасалари раҳбарларининг базавий тариф ставкалари қуйидаги жадвалга биноан ўқувчилар (тарбияланувчилар) контингентига қараб муассасалар гуруҳидан келиб чиқиб белгиланади: