Қарори халқ таълими тизими ходимлари меҳнатига ҳАҚ ТЎлаш тартибини такомиллаштириш тўҒрисида

IV. ДАВЛАТ УМУМТАЪЛИМ МУАССАСАЛАРИДА МЕҲНАТНИ НОРМАЛАШТИРИШНИ ТАШКИЛ ЭТИШ

13. Давлат умумтаълим муассасалари педагог ходимлари меҳнатини нормалаштириш давлат умумтаълим муассасаларининг йиллик, чораклик ва ойлик иш режаларига асосланади.

Йиллик иш режаси тарбиявий ва ташкилий тусдаги асосий тадбирларни бажариш учун зарур бўлган иш вақти сарфи кўрсатилган ҳолда уларнинг рўйхатини ўз ичига олади.
14. Ўқитувчиларнинг тарбиявий ва ташкилий ишлари бўйича меҳнат фаолияти соатлар миқдорисиз иш турлари ва мазмуни асосида лавозимларга қўйилган малака тавсифларига мувофиқ амалга оширилади.
Халқ таълими муассасасалари педагог ходимларининг базавий тариф ставкаларини белгилаш бошланғич синфларда ҳафтасига 16 ўқув соати, юқори синфларда 18 ўқув соати ҳисобидан амалга оширилади.
15. Йиллик иш режаси ҳар бир педагог ходим учун якка тартибда белгиланади ва кенгайтирилган педагогик кенгашда муҳокама қилингандан кейин давлат умумтаълим муассасаси директори томонидан тасдиқланади.
Иш режаларининг бажарилишини назорат қилиш давлат умумтаълим муассасаси директори ва унинг ўринбосарлари томонидан амалга оширилади.
16. Давлат умумтаълим муассасасида педагог ходимларнинг ҳафталик иш юкламаси ишнинг ушбу тури бўйича иш вақти нормал давом этишининг 1,5 бараваридан ортиқ бўлмаслиги лозим.
17. Давлат умумтаълим муассасасининг ҳар бир ходими иш режаси бажарилиши тўғрисида педагогик кенгашда ярим йилда камида бир марта ҳисобот беради.


V. ХАЛҚ ТАЪЛИМ ТИЗИМИ ПЕДАГОГ ХОДИМЛАРИ МЕҲНАТИГА СОАТБАЙ ҲАҚ ТЎЛАШ ТАРТИБИ ВА ШАРТЛАРИ

18. Давлат умумтаълим муассасалари педагог ходимлар меҳнатига соатбай ҳақ тўлаш:

кетма-кет икки ойдан ортиқ бўлмаган даврда касаллик ёки бошқа сабаблар билан ишда бўлмаган ходимларнинг ўрнини босиш тартибида ишлаб берилган соатлар учун ҳақ тўлашда;
бошқа муассасалардан жалб этиладиган ўқитувчилар ва бошқа мутахассисларнинг, шу жумладан ўриндошлик бўйича бошқа мактаблардан жалб этиладиган ўқитувчилар ва мутахассисларнинг педагогик иши учун ҳақ тўлашда;
ўрнини босиш тартибида умумтаълим муассасалари раҳбарлари томонидан ўтилган ўқув соатлари учун ҳақ тўлашда қўлланилади.
19. Давлат умумтаълим муассасалари педагог ходимлари меҳнатига соатбай ҳақ тўлаш ставкалари миқдори белгиланган тартибда аниқланади.

20. Давлат халқ таълими муассасасининг раҳбар ходими томонидан асосий лавозимнинг бир ҳафтада 9 (бошланғич синфларда 8) соатгача ҳажмда ўқитувчи лавозими билан қўшиб олиб борилишига йўл қўйилади.

VI. ЯКУНЛОВЧИ ҚОИДА

21. Мазкур Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

------------------------------
*) Умумтаълим муассасаларига умумтаълим мактаблари ҳамда барча тип ва номдаги мактаб-интернатлар киради.

Халқ таълими ходимлари меҳнатига ҳақ тўлаш тўғрисида

низомга
ИЛОВА