Архегонийли ва гулли ўсимликлар бўйича амалий машғулотлар

Nazorat savollari

1. 
   Qoqio‘tdoshlar oilasini yer yuzida nechta turkum va turi uchraydi?
   
2. 
   Naychasimon gullar tilchasimon gullardan qaysi jihatlaridan farq qiladi?
   
3. 
   Soxta tilchasimon va karnaysimon gullarning tuzilishidagi o‘ziga xoslik nimalardan iborat?
   
4. 
   Ukpari qanday vazifani bajaradi va nimani o‘zgarishidan hosil bo‘ladi?
   

Bir pallali yoki Lolasimon o‘simliklar ajdodi –
Monocotyledonae yoki Liliopsida.


Bu ajdodga 104 oila, 3000 turkum va 63000 tur kiradi. Bular gulli o‘simliklarning yaqin 25% ini tashkil etadi. Bu ajdod vakillari urug‘ pallasining 1 ta bo‘lishidan tashqari bir nechta o‘ziga xos belgilarga ega.


Ular quyidagilar:
1. Gul qo‘rg‘oni oddiy, ba`zan murakkab. Gullari asosan 3 a`zoli.

2. 
   Bu sinfga mansub o‘simliklarning asosiy ildizi barvaqt qurib ketadi va qo‘shimcha ildiz sistemasini hosil qiladi. Ularni popuk ildiz deb ataladi.
   
3. 
   Poyaning ko‘ndalang kesim yuzasida o‘tka-zuvchi tolali bog‘lamlar tartibsiz joylashgan. Ular bir-biri bilan tutashgan, ya`ni yopiq tipda bo‘ladi. Bog‘lamlar orasida kambiy bo‘lmaganligidan poya ikkilamchi yo‘g‘onlashish hususiyatiga ega emas.
   
4. 
   Barglari ko‘pincha oddiy, chetki qirralari tekis, tasmasimon tuzilishga ega. Barg tomirlari paral-lel yoki yoysimon tomirlangan.
   

Bu ajdod 4 ajdodchaga bo‘linadi:

1. 
   Bulduruko‘t kabilar ajdodchasi – Alismatidae
   
2. 
   Triurid kabilar ajdodchasi – Triurididae
   
3. 
   Lola kabilar ajdodchasi – Liliidae
   
4. 
   Palma kabilar ajdodchasi – Aricidae
   

Shulardan bizning sharoitimizda keng tarqalgan Lolakabilar ajdodchasining qabila va oilalariga to‘xtalib o‘tamiz.


Mavzu: Loladoshlar va Piyozdoshlar oilasi

• 
  O‘rganilayotgan vakilning sistematik o‘rni
  
• 
  Lolakabilar ajdodchasi– Liliidae
  
• 
  Lolanamolar qabilasi – Liliales
  
• 
  Loladoshlar oilasi – Liliaceae
  

Vakillari:

1. 
   Greyg lolasi – Tulipa gregii
   
2. 
   Turkiston lolasi – T.turkestanica
   
3. 
   Oq guli liliya – Lilum candidum
   
4. 
   Turkiston boychechagi – Gagea turkestanica