Архегонийли ва гулли ўсимликлар бўйича амалий машғулотлар

Nazorat savollari

1. 
   Yong`oqdoshlar oilasining vakillari qaysi mintaqada va hududlarda tarqalgan va ular necha turkum va turdan iborat?
   
2. 
   Markaziy Osiyoda yong`oqning qaysi turi uchraydi?
   
3. 
   Yong`oq necha uyli o‘simlik?
   
4. 
   Changchi va urug`chi gullar qaysi novdalardan hosil bo‘ladi?
   
5. 
   Meva po‘stlog`i urug`chi gulining qaysi qismlarining qo‘shilishidan hosil bo‘ladi?
   

Mavzu: Toldoshlar va Qovoqdoshlar oilasi

• 
  O‘rganilayotgan vakilning sistematik o‘rni
  
• 
  Dilleniyakabilar ajdodchasi – Dilleniidae
  
• 
  Tolnomalar qabilasi - Salicales
  
• 
  Toldoshlar oilasi - Salicaceae
  

Vakillari:
1. Majnuntol – Salix babylonica
2. Qora tol - Salix excelsa
3. Oq terak - Populus alba
4. Mirza terak - Populis nigra
5. Oq tol - Salix alba (19-rasm)
Mavzuning maqsadi: Oilalarga mansub o‘simliklar-ning anatomo-morfologik tuzilishini, ko‘payishini, turlar sonini, tarqalishi va ekologiyasini, tizimda tutgan o‘rnini, muhim vakillarining ilmiy (lotincha) nomlarini va ahamiyatini o‘rganish.
Kerakli jihozlar: Gerbariylar, o‘simliklar aniqlagichi, rasmlar, jadvallar, fiksatsiya qilingan gullar, ko‘chala tarzidagi to‘pgullar, meva va urug‘lar, lupa, pintset, preproval nina.
Nazariy tushuncha: Toldoshlar oilasiga 3 ta turkum va 400 dan ortiq tur kiradi. Ular asosan shimoliy yarimsharning mo‘`tadil va sovuq iqlimli mintaqalarida o‘sadi. Barglari oddiy, yonbargchalari poyada ketma-ket joylashgan. Gullari boshoq yoki ko‘chala to‘pgulda joylashgan. Gulqo‘rg‘oni rivojlanmagan, ayrim jinsli, ikki uyli o‘simlikdir. Changchisi ikkita yoki ko‘pdir. Urug‘chisi ikkita mevabargchaning qo‘shilishidan hosil bo‘lgan. Tugunchasi ustki, bir uyali, ko‘p urug‘kurtakli. Mevasi ko‘sakcha. Tol turkumiga kiruvchi o‘sim-liklarning kurtaklari bittadan tangacha bargga ega, ular barg chiqarmasdan oldin gullaydi. Terak kurtaklari bir necha tangacha barglardan iborat bo‘lib, ular yopishqoq holida bo‘ladi.