Аплв1тот1 Jill. V b tk kaffTAlv grant bulalari

Bu kutilmagan taklifdan hamma taajjublandi, Jon Manglsga esa bu plan ochiqdan-ochiq yoqmadi.
— Bu orada,— deb davom etdi botsman,— yo Snouning suvi qaytadi va biz uni kechib o‘tamiz, yoki, agar daryoning suvi qaytmasa, ungacha biz qayiq yasab ulguramiz. Mening planim ana shu, ser.

— Yaxshi, Ayrton, — dedi Glenarvan, — taklifin-giz jiddiy muhokama qilib ko'rishga loyiq. Uning asosiy kamchiligi shuki, uni qabul qilsak, allaqancha vaqtni qo'ldan beramiz, lekin charchab, xoldan to-yishdan qutulamiz, ehtimolki, ba’zi xavf-xatardan ham xalos bo‘lamiz. Sizlar nima deysiz, do‘stlarim?

— Siz ham o‘z fikringizni ayting, aziz Mak-Nabbs,

— dedi mayorga qarab Elen. — Maslahatimiz bosh-langandan beri quloq solib o‘tiribsiz-u, o'zingiz hech narsa demaysiz.

— Mening fikrimni so‘ragan ekansiz, aytaman,— deb javob berdi Mak-Nabbs, — men o‘z fikrimni ochiq-oydin qilib aytaman: menimcha, hozir Ayrton juda aqlli va ehtiyotkor odamning gapini aytdi, men uning taklifini quwatlayman.

Hech kim uning bunday javob berishini kutmagan edi, chunki shu vaqtgacha Mak-Nabbs doim Ayrton-ning gapiga qarshi chiqar edi. Botsmanning o‘zi ham bunga hayron qoldi shekilli, yalt etib mayorga qarab qo‘ydi. Paganel, Elen va matroslar Ayrtonning taklifi­ ni yoqlashga tarafdor edilar, Mak-Nabbsning so‘zi ularning so‘ngi shubhalarini tamom tarqatib yubordi.