Аплв1тот1 Jill. V b tk kaffTAlv grant bulalari

Ov muvaffaqiyatli tugadi.
Glenarvan, sayohatchi ayollar va butun otryad yerliklar bilan xayrlashdilar.

388

0 ‘ n y e t t i n c h i b o b ChORVADOR MILLIONERLAR

146°15' uzunlikda tunab, tinchgina tong ottirgan-laridan so‘ng, sayohatchilarimiz 6-yanvar kuni ertal-ab soat yettida yana yo'lga chiqdilar va keng Myorrey okrugini kesib o‘ta boshladilar. Ular sharqqa qarab borardilar, shuning uchun ot va ho‘kizlarining izi qir-da to‘ppa-to‘g ‘ri iz qoldirib ketardi. Ular yo'lda ikki marta shimol tomonga o‘tib ketgan skvatterlarning iziga duch keldilar, agar Glenarvanning oti oyog‘ida-gi Blek-Poynt manzilining tamg‘asi bilan belgilangan taqa izi bo‘lmaganda, sayohatchilarning izi albatta boshqa izlar bilan aralashib ketgan bo‘lardi.
Ba’zan qirda ilang-bilang bo‘lib oqib o‘tadigan soylar va daryochalar uchrab qolar, qirg‘og‘ida buk-salar o‘sib yotgan bu oqar suvlarning ko‘pi qurib qolayozgan edi. Bu suvlarning hammasi Buffalo tog'laridan oqib keladi; Buffalo tog‘larining uncha baland bo'lmagan, lekin ajib ko‘rkam manzarali tiz-malari hozir ufqda ko‘rinib qoldi.
Kechgacha o‘sha tog‘ ostiga yetib olib, o'sha yerda manzil qurishga ahd qildilar. Ayrton ho‘kizlarni qistab hayday boshladi, shundan so‘ng ho‘kizlar ancha charchab qolgan bo‘lsalar ham, har holda o‘sha kuni o‘ttiz besh mil yo‘l yurib, aravani Buffalo tog‘larining etagiga yetkazib keldilar. Bu yerda katta-katta daraxt-lar ostiga palatkani qurdilar. Tun kirdi. Nari-beri ovqatlanib oldilar: shuncha uzoq yo'lni bosib o'tgan-dan keyin hammaning ovqat yeyishdan ham ko‘ra tezroq yotib uxlagusi kelar edi.
Eng oldin navbatchilik qilish Paganelga to‘g‘ri keldi. Qisib kelayotgan uyquga so‘z bermaslik uchun u miltig'ini yelkasiga osib olib, u yoqdan bu yoqqa yu-ra boshladi. Oy chiqmagan bo‘lsa ham janub yuldu-zlarining charaqlab turganidan kecha ancha yorug‘ edi. Olim buyuk osmon kitobini o‘qishga berildi; os-mon kitobi uni o‘qiy oladiganlar uchun doim ochiq bo‘ladi va qiziq-qiziq ma’lumotlarni so'zlab beradi. Uyquga ketgan tabiatning chuqur sukunatini faqat otlar oyog‘iga urib qo'yilgan temir tushovlarning shaqirlashi buzardi.