Анорнинг ватани Озарбайжон, Эрон, Афғонистон ҳисобланади. Лекин Узбекистонда жуда қадимдан экилади. Анор авлодига икки тур киради: биринчиси Р. Урта Осиё, Закавказье ва Догистонда ёввойи ҳолда ўсади. Иккинчиси Р

19. ЛИМОН
Лимон меваси таркибида 0,8—7 фоиз лимон кислота, витамин С, А, В, Р бўлиб, хушбўй ҳиди ҳам бор. Лимон шифобахш ўсимлик ҳисобланади. У доим кўм-кўк ўсади. Очиқ жойларда ўсганда бўйи 4—7 метрга етади. Мевасининг вазни 80—120 г, айримлариники 200 г келади ва ундан ортади. Барглари тухумсимон, оқ сариқ рангда, силлиқ, ялтироқ.
Лимон уруғдан кўпаяди. Уруғдан кўпайтирилган ниҳолларга қаламча пайванд қилинади. Ўзбекистон шароитида лимон асосан қаламчадан кўпайтирилади. Йил давомида ташқи шароит қулай бўлганда лимон яхши ўсиб, ривожланади. Лимон траншеяларда ўстирилганда кузда температура 3—5° бўлганда лимон ўсишдан тўхтайди, ўсимликлар вақтинча мажбурий тиним даврига киради. 10 —12° да қайтадан ўса бошлайди.
Лимоннинг барглари одатда 2—3 йил яшайди. Барглари қариган сари олдинмакейин тўкилаверади. Бирор ноқулай сабабга кўра барглари бирдан тўкилиб кетиши мумкин. Ҳаво 1,5—2,5° гача совиб кетса; лимоннинг меваси, пишмаган новдалари, 5—6° да ўсимлиги бутунлай зарарланади.
Ўзбекистонда ўтказилган тажрибаларга кўра, лимон навларининг ичида Мейер лимон нави серҳосил деб топилди. Вилла-Франк ва Лис-бон навлари ҳам ертўлаларда ўсиш учун истиқболга эга.
20. АПЕЛЬСИН
Апельсин яхши шифобахш мевалардан ҳисобланади, янгилигида истеъмол қилинади. Меваси таркибида 8,78 фоиз қанд, 1,06—1,97 фоиз кислота, витамин С ва аскорбин кислота бор.
Апельсиннинг ватани Хитой ҳисобланади. Дарахти доим кўм-кўк ҳолда бўлиб, бўйи 4—8 метрга етади. Мевасининг вазни 80— 400 г гача бўлади. Апельсин уруғидан кўпайтирилиб, етиштирилган ниҳолларига пайванд қилинади. Уруғдан етиштирилган ёввойи апельсин 10 —15 йилдан кейин, пайванд қилинган кўчатлари экилганидан кейин 3—4йили ҳосилга киради. Ўзбекистон шароитида апельсин ҳам лимонга ўхшаб 3 та ўсув даврини ўтади. Апрель ойининг охири—май ойи бошларида ёппасига гуллайди. Меваси ноябрь — декабрь ойларида, айрим навлариники январь — февраль ойларида пишади. Траншеяларда ўстирилган 8—10 ёшли апельсин дарахтидан 20—30 тагача, айрим серҳосил тупларидан 100—120 донагача апельсин териб олиш мумкин.
Апельсин яхши ўсиб, нормал ҳосил бериши учун тупроқ унумдор бўлиши, сув билан яхши таъминланиши керак. Апельсин ёруғсевар, иссиқсевар ўсимлик. Қиш ойларида траншеяларда температура 3—7° бўлганда апельсин узоқ вақт сояда бўлса ҳам, кўпинча ҳеч қандай зарар кўрмайди, лекин температура кўтарилиши билан ёруғликка бўлган талаби орта боради. 1,5—2,5° совуққа меваси, 0,5—1° совуқда ёш новдалари, бир-икки йиллик шохлари зарарланади. Траншеяларда ўстириш учун Гамлин нави энг яхши ҳисобланади.