Anorgul atajonova

14. Gapda hol vazifasida kelgan taqlid so‘zni toping. 
A)  Abdurasul  bilan  Xolmurodning  kirib  kelishlari  quvnoq  g‘ovur-
g‘uvurning bosilishiga sabab bo‘ldi; 
B) Ola qarg‘alar yaxlagan qanotlarini shaq-shaq urishadi; 
C) Yuragi bir onda gurs-gurs urdi; 
D) B va C. 
15.  Oydinda chiroyli yiltiragan chillaki luchchak shaftolilar duv-
duv to‘kildi.  Ushbu  gapdagi  taqlid  so‘zning  sintaktik  vazifasini 
aniqlang. 
A) aniqlovchi;   
 
 
B) hol; 
C) to‘ldiruvchi;   
 
 
D) ega.  
16.  Davradagilar shivir-shivir gap boshlashdi.  Ushbu  gapdagi 
shivir-shivir so‘zi qaysi so‘z turkumiga mansub?  
A) undov so‘z;   
 
 
B) taqlid so‘z; 
C) modal so‘z;   
 
 
D) takror so‘z. 
 
 

---

 
158
ILOVALAR 
 
“Kadrlar  tayyorlash  milliy  dasturi”da  belgilab  berilganidek,  ta’lim 
jarayonida yangi o‘qitish texnologiyalari va faol metodlarni qo‘llash orqali 
bo‘lajak  kadrlarning  ijodiy  fikrlash,  mustaqil  qaror  qabul  qilish,  yangi 
bilimlarni mustaqil egallash qobiliyatini rivojlantirishga erishish mumkin.  
O‘qitishda  yangi  pedagogik,  innovatsion,  interfaol  texnologiyalarga 
asoslangan ta’limning an’anaviy ta’limga qaraganda ancha yuqori  samara 
berishi,  mazkur  texnologiyalar  o‘quvchilarning  bilish  imkoniyatlarini, 
ijodiy  qobiliyatlarini  va  amaliy  ko‘nikmalarini  rivojlantirishi,  ularning 
mustaqil  fikr  yuritishini  tashkil  etishda  samara  berishi  o‘z  isbotini 
topmoqda.  
Innovatsion  texnologiyalar  ta’lim  mazmunining  barcha  (bilim, 
ko‘nikma,  malaka,  kompetensiya)  komponentlarini  o‘zlashtirishga  ijobiy 
ta’sir etadi. Ular o‘quvchilarga fanlar uchun juda muhim bo‘lgan holatlar, 
ya’ni  mustaqil  muammoni  ko‘rish,  uni  ifodalash,  yechish  yo‘llarini 
topishga imkoniyat beradi. 
Ta’limda  interfaol  metod  –  o‘quvchi  bilan  o‘qituvchi  o‘rtasida 
ta’limni  o‘zlashtirish  munosabatlarini  kuchaytirish,  faollashtirish 
demakdir.  Mazkur  metodlar  hamkorlikda  ishlash  vositasida  dars 
samaradorligini oshirishga yordam beradi. 
“Aytsang,  unutaman,  ko‘rsatsang,  eslab  qolaman,  o‘zim  bajarsam, 
anglab  yetaman”  –  degan  edi  xitoy  faylasufi  Konfutsiy.  Haqiqatan  ham 
o‘quvchilarga  dars  jarayonida  mavzuga  doir  taqdimot  va  ko‘rgazmali 
qurollardan  tashqari,  ayrim  topshiriqlarni  bajarish  uchun  o‘zlariga 
imkoniyat yaratib berish kerak. Bunda o‘yin metodlari juda qo‘l keladi. 
Quyida  ona  tili  darslarida  qo‘llash  mumkin  bo‘lgan  metodlarning 
ayrimlaridan namunalar keltiramiz.  
Akademik  litseyda  o‘quvchilarga  “Ona  tili”  fanini  o‘qitishda 
quyidagi interfaol metodlardan foydalanish mumkin.