Annotaciya Dissertaciya temasınıń tiykarlaması hám onıń aktuallıǵı

Temanıń tiykarǵı máseleleri hám boljawları.Tarıyxıy derekler negizinde xalqımızdıń milliy miyraslarınıń negizgi tarawları bolǵan diyxanshılıq mádeniyatın izertlep olardıń rawajlanıw basqıshları haqqında pikirler júrgiziw ol maqsetimizge jetiwde tómendegi boljawǵa kelindi:
- Qaraqalpaqlardıń jasaǵan aymaqların úyreniw
-Úyrenilip atırǵan dáwirdegi jer-suwdan paydalanıw usılları hám túrleri
-Diyxanshılıq hám sharwashılıqtıń áyyemgi dáwirlerden júrgizilip keliniwin anıqlaw
-Xalqımızdıń qıyın jaǵdaylarda diyxanshılıq rayonları hám orayların qáliplesiwi máselelerin úyreniw
-Awıl xojalıǵında erte dáwirlerden paydalanılıp kiyatırǵan qurallar boyınsha dereklerdi úyreniw
- Qaraqalpaqlarda jer iyelewshilik usılları hám salıq dúzimin úyreniw milliy mádeniyatımızdıń búgingi turmısımızdaǵı ornı hám keleshegi haqqında aytıladı.
Izertlew teması boyınsha ádebiyatlarǵa sholıw. XX ásirdiń 30-40 jıllarınan baslap ilimiy izertlewler turaqlı boldı.YA.Ǵulamov,S.P.Tolstov, B.V.Andrianovlar úlkemizde arxeologiyalıq-etnografiyalıq izertlewler júrgizip,ilimdi rawajlandırıwǵa úles qostı⁵.Bul dáwir tarıyxına baylanıslı maǵlıwmatlardı akademik S.Kamalov, R.Qosbergenov, M.Mambetullaev, Ǵ.Xojaniyazov, O. Yusupov, A.Qudiyarov, S.Saymanov, S. Sulaymanov h.t.b. dıń ilimiy izertlewlerinen alamız⁶.
Qaraqalpaqstanda etnogroflardan T.A.Jdanko, X.Esbergenov, U.SHalekenov, A.Ótemisov miynetlerinde qaraqalpaqlardıń materiallıq mádeniyatı hár tárepleme izertlendi⁷.Qaraqalpaqlardıń diyxanshılıq mádeniyatına baylanıslı ilimpazlar tárepinen keń kólemdegi kitaplar jaratıldı⁸.
Izertlewde qollanılǵan metodikalıq usınıs.Ulıwma adamzatlıq bahalılıqlarǵa miyraslıq,tariyxıylıq,obektivlik prinsipleri,izertleniwlerdiń salıstırmalı tarıyxıylıq metodı hám milliy ǵárezsizlik ideologiyası tiykarlanǵan teoriyalardan ibarat.
Jumıstı jazıw barısında empirikalıq hám interpretaciyalıq metodlarında paydalanıladı.Sonday-aq Ózbekstan Respublikası birinshi prezidenti I. A. Karimovtıń,Ózbekstan Respublikası Prezidenti SH.M.Mirziyoevtıń shıǵıp sóylegen sózleri,shıǵarmalarında alǵa qoyılǵan áhmiyetli ilimiy teoriyalıq qaǵıydalar hám juwmaqlar metodologiyalıq tiykar xızmetin atqardı.