Annotaciya Dissertaciya temasınıń tiykarlaması hám onıń aktuallıǵı

Annotaciya
Dissertaciya temasınıń tiykarlaması hám onıń aktuallıǵı.Ózbekstan Respublikasın 2017 -2021 jıllarda rawajlanıwdıń bes baslı baǵdar Háreketler strategiyasında belgilengen wazıypalardı sózsiz ámelge asırıw,respublika aymaǵında ekologiyalıq mashkalalardı sheshiwdi bilimlendiriwge engiziw menen úles qosıw,búgúngi kúnde ósip kiyatırǵan jas áwladlardı ekologiyalıq mádeniyat, ekologiyalıq bilimlerin qáliplestiriw hámde ekologiyalıq tálim tárbiya processin sitemalı nátiyjeli shólkemlestiriw,ekologiya tarawındaǵı ilim pánlerdiń dúnya júzindegi aldıńǵı texnologiyaların qollanılǵan halda jáne de jetilistiriw máseleleri Ózbekstan Respublikasınıń ekologiyalıq bilim koncepsiyasınıń negizi etip alınǵan¹.
Bul wazıypalar qaraqalpaqlar hám olardıń ata-babalarınıń hár túrli geografiyalıq jer sháriyatına baylanıslı erte dáwirlerden baslap aq diyxanshılıq, mal sharwashılıq menen shuǵıllanǵan.Búgúngi pandemiya dáwirin de de diyxanshılıq penen shuǵıllanıw eń qolaylı qosımsha kásip bolıp kelmekte.Ózbekstan Respublikası Prezidenti SH.M.Mirziyoev Oliy májliske múrajatında «Atap aytqanda,milliy ózligimizdi ańlaw,watanımızdıń áyyemgi hám bay tariyxın úyreniw, bul baǵdarda ilimiy-izertlew jumısların kúsheytiw, gumanitarlıq taraw ilimpazlarınıń jumısın hár tárepleme qollap-quwatlawımız lazım. Sonıń ushın Ilimler Akademiyasınıń Arxeologiya hám Kórkem-óner institutlarınıń jumısın, joqarı oqıw orınları hám muzeylerdegi arxeologiyalıq izleniwlerdi sırt elli sherikler menen shólkemlestiriw zárúr.Ullı ilimpazlar hám jazıwshılarımız, ata-babalarımızdıń biybaha miyrasın, jeńilmes sárkarda hám ǵayratkerlerimizdiń mártligin jaslardıń sanasına sińdiriwge,olarda milliy maqtanısh sezimlerin kúsheytiwge ayrıqsha itibar qaratıwımız kerek ekenligin wazıypa etip qoyǵan edi²,bul jumıslar basqıshpa basqısh ámelge asırılıp atır.
Sonday-aq elimizde jergilikli zergerlik tarmaǵın tiklew hám rawajlandırıw boyınsha izbe-iz háreketler ámelge asırılmaqta.Sapalı zergerlik ónimlerin islep shıǵarıw boyınsha jumıs alıp barıp atırǵan quwatlılıqlardı modernizaciyalaw hám jańaların shólkemlestiriw, usı ónimlerdiń eksportın keńeytiwge tosqınlıq etip, tarmaqtıń rawajlanıwına keri tásir etip kiyatırǵan toskınlıqlar alıp taslanbaqta.
Sapalı hám básekige shıdamlı zergerlik ónimlerin islep shıǵarıwdı keńeytiw,tarmaqqa sırt el investiciyaların jedel tartıw,básekige shıdamlı hám sapalı zergerlik buyımların tayarlawda jergilikli islep shıǵarıwshılardı hár tárepleme qollap-quwatlaw,sonday-aq respublika zergerlik tarmaǵın jedel rawajlandırıw ushın qolaylı sharayatlar jaratıw maqsetinde zergerlik tarmaǵın jedel rawajlandırıw haqqında Prezidentimiz qararı qabıl etildi³.
Jánede Ózbekstan Respublikası Prezidentiniń 2017-jıl 17-noyabrdegi «Ónermentshilikti jáne de rawajlandırıw hám ónermentshilikti hár tárepleme qollap-quwatlaw ilajları haqqında» ǵı Pármanı tiykarında:Ónermentshilik jumısı subeiktleri — «Ónerment» birlespesi aǵzalarına jeńilletilgen mikrokreditler beriw, sonday-aq ónermentshilik orayların rawajlandırıw orayların qurıw ushın kredit liniyaları ashılǵan⁴.
Búgúngi kúnde qaraqalpaqlardıń ayırım xojalıq túrleri hár kıylı jaǵdaylarǵa baylanıslı joq bolıp baratır.Mısalı:Aǵash ustashılıǵınıń ayırım tarawları milliy turaq jaylardı milliy usılda tiklew ushın zárúrli zatlar jetispeydi.Sonıń menen birge sol zatlardı tayarlaw usılları da umıtılıp baratır.Sonlıqtan biz tańlaǵan temamız xalqımızdıń awıl-xojalıq tariyxın izertlewdegi áhmiyetli wazıypalardıń biri bolıp tabıladı.