Андижон вилояти халқ таълими бошқармаси избоскан тумани халқ таълими бўлими

1 2 3 4 5 6 7

Bog'liq
\'\'Бахтли оила юксалиш пойдевори\'\'

Тўлақонли аёл сифатида шаклланиш

Эсда сақланг! Она энг аввало ўзини севиши, табиий импульслари ва ижтимоий талабларга мос равишда шахсий ҳаёт тарзини англаши керак. Бошқача айтганда аёл энг аввало ўзини аёл сифатида, ундан кейин турмуш ўртоғи сифатида, кейин она сифатида, шундан сўнггина ижтимоий фаолият иштирокчиси сифатида ҳис қилиши, тасаввур қила олиши керак. Кимки тўлақонли аёл сифатида шакллана олмапти, у турмуш ўртоғи, она ва ижтимоий фаол шахс сифатида шакллана олмайди. Ўз шахсий вужудий эгоизмини қондира олган, ҳаётдан қувонишни билган, қониқиш ҳисси билан яшаётган аёлгина ўз атрофидагиларга қувонч улаша олади.

Онанинг энг буюк хизмати шундаки, у аввало фарзандда чинакам фазилат, меҳрни шакллантиради. Меҳр туйғуси гўдак бешикдалигидаёқ қулоқлари остида янграган она алласининг оромбахш садолари орқали бола қалбига йўл топади. Чунки, она болалар билан руҳий ва биологик жиҳатдан энг кўп боғланган шахсдир.
Диққат муаммо! Бугун барча оналаримиз ҳам шу тарбиявий таъсирдан ўрнида фойдаланаяпти дея олмаймиз.
Эсда сақланг! Ўз фарзандидан меҳр кутаётган оналаримиз аввало, фарзандлари қалбини алла меҳри билан тўлдиришлари лозим. Оналаримиз яна шу нарсага эътибор қаратишлари лозим-ки, агар фарзандларимиз яхши инсон бўлишларини хоҳласак, бир кунда бўлмаганда 10-15 марта болаларимизни бағримизга босишимиз ва уларнинг келажаклари учун яхши тилакларимизни бошларини силаган ҳолда такрорлашимиз шарт.

Диққат муаммо! Баъзи оилаларда оилани бошқариш, унга бошчилик қилиш оила аъзоларининг қизиқиши ва имкониятларини ҳисобга олган ҳолда амалга оширилса, баъзи оилаларда эр-хотиннинг алоҳида-алоҳида лидерликка интилиши натижасида оилавий низоларнинг ортиб бориши, болаларнинг ҳар томонлама эътибордан четда қолиши, натижада жиноятчилик кўчасига кириб кетиши кузатилади.

Диққат муаммо! Баъзи оилаларда аёл лидерлигининг мавжудлиги ўғил бола шахсида аёлларга хос хусусиятларнинг кучайиб боришига олиб келиши мумкин. Ўғил болаларда феминин сифатларнинг кўпроқ намоён бўлишининг сабабларидан бири ҳам оилада ота ролининг, мавқейининг пастлиги бўлса, қиз болаларда маскулин сифатларининг ортишига аёлнинг оилада рўзғор бошқаруви, оилани моддий жиҳатдан таъминлаш билан боғлиқ вазифаларни бажариш учун масъуллигининг ортганидир.

Do'stlaringiz bilan baham:

1 2 3 4 5 6 7