Андижон вилояти фавқулодда вазиятлар бошқармаси

АНДИЖОН ВИЛОЯТИ ФАВҚУЛОДДА ВАЗИЯТЛАР БОШҚАРМАСИ


АҲОЛИНИ ВА РАҲБАРЛАР ТАРКИБИНИ ТАЙЁРЛАШ МАРКАЗИ

“ЗАҲАРЛАНИШДА АҲОЛИНИНГ ҲАРАКАТЛАРИ”

МАВЗУСИДА


Э С Л А Т М А

АНДИЖОН – 2011 йил.
Ушбу эслатма корхона-ташкилотлар ишчи хизматчилари, ўрта махсус, касб-ҳунуар таълими ўқув юртлари, умумтаълим мактаблари ўқитувчи педагоглари ва ўқувчи ёшлар, маҳалла фуқаролар йиғинлари аҳолиси учун мўлжалланган.
ЗАҲАРЛАНИШДА АҲОЛИНИНГ ҲАРАКАТЛАРИ

Инсон хаётида шундай ишлар бўладики, оддий уй шароитида баъзи ишларни амалга оширишга, масалан чиқинди ва ювинди сувларни (канализация) ҳамда хожатхона сувларини чиқиш жойини тозалаш ва таъмирлашга тўғри келиб қолади. Шундай пайтларда инсон ўзи билмаган холда турли касаллик ва заҳарланишга дучор бўлади. Ушбу чиқинди сувлар оқувчи йўл (канализация)ларда турли ҳилдаги аралаш газлар (заҳарли газлар-углерод оксиди (ис гази) - СО, азот оксидлари - NO, NO₃ ва олтингугурт оксидлар - SO, SO₂) мавжуд бўлади. Бундай газлар канализация қудуқларида ва канализация насосларида хаттоки шахсий уйларда хожатхоналарда ҳам тўпланади. Улар инсоннинг нафас аъзоларига, кўз ва эшитиш аъзоларига таъсир қилиб, инсонлар ўлимига сабаб бўлади.

Ҳар бир шахс шуни яхши билиши керакки, канализацияга ва шунга ўхшаш насослар жойлашган чуқурликларга тушишдан олдин у ерни қопқоқларини очиб шамоллатиб, ундан кейин бу ерда ишларни амалга ошириш мумкин бўлади.
Ҳовли жойларда хожатхона қуриш учун яшаш уйларига яқин бўлмаган, қўшни уйларнинг деворидан 3-4 метр узоқликда бўлиши ва нам бўлмаган жойларга ҳамда ариқ ва завурларга яқин бўлмаган ҳовлининг четига қуриш мақсадга муофиқдир. Тўпланиб қолган газларни тозалаб туриш учун кириш чиқиш трубалари ўрнатиш зарур. Газни чиқиб кетиши учун ҳаво кириш трубаси бетондан 30 сантиметр баландликда ўрнатилади, газ чиқиб кетиш трубаси хожатхона ичидан чиқариб том қисмидан тик равишда чиқариб юборилади. Хожатхона тозалигига катта эътибор бериш керак.
Юқоридаги айтилган холатлар юз бермаслиги ва уларни олдини олиш учун қуйидагилар тўғрисида маълумотга эга бўлиш лозим.