Андижон вилояти фавқулодда вазиятлар бошқармаси

Олтингугурт оксидлари рангсиз, ўткир хидли газсимон моддалар бўлиб, таъми ширин, хаводан оғир, сувда яхши эрийди, паст-чуқур жойларда тўпланади. Кучли захарловчи хисобланади. Хавода тутун хосил қилади. Организмга тушганда бош оғриши, эшитиш ва кўриш органлари бузилиши, жигарнинг жарохатланиши ва ўпканинг ишишига олиб келади. Натижада инсоннинг ўлимига сабабчи бўлиши мумкин.
Содир бўлган ёки содир бўлиши мумкин бўлган фавқулодда вазиятларнинг келиб чиқиш сабаблари ўрганилганда, канализация қопқоқларининг очиқ қолиши, фуқароларнинг ўзбошимчалик билан турли маиший хизмат биноларини қуришлари, уларни қуришда стандарт меёрий қурилиш ва фойдаланишда хавфсизлик қоидаларига риоя этмасликлари, канализация ва ахлатхоналарда кучли таъсир этувчи захарли моддалар захарли газлар пайдо бўлиши ҳамда уларнинг одамга салбий таъсир этиш хусусиятлари тўғрисида маълумотларга эга эмасликлари, газлардан захарланишнинг олдини олиш чоралари ҳамда газлардан захарланган одамни қутқариш, биринчи тиббий ёрдам кўрсатиш тартибларини билмасликлари маълум бўлди.

НИМА ҚИЛИШ КЕРАК?

Авариягача:

• 
  Кундалик яшаш шароитида фойдаланадиган ҳожатхоналарни (вентиляция) маҳсус ҳаво алмашинувини таъминлаган ҳолда талаб даражасида қуриш лозим.
  
• 
  Ҳожатхоналардаги чиқиндиларни тозалашда маҳсус техникалар ёрдамида техника ҳавфсизлик қоидаларига риоя қилган ҳолда амалга ошириш.
  
• 
  Кучли таъсир этувчи заҳарли газлардан захарланиш юз бериши мумкин бўлган фавқулодда вазиятлар ҳақида хабар бериш тартибини билиб олинг.
  
• 
  Болаларга авария бўлган ҳолда ёнларида катталар бўлмаса нима қилиш кераклигини айтиб беринг.
  
• 
  Вақти-вақти билан заҳарли газлардан ҳимояланишнинг олдини олиш бўйича оилангизда суҳбат ўтказиб туринг.
  
• 
  Биринчи тиббий ёрдам кўрсатишни ўрганиб олинг ва барча оила аъзоларингизга ўргатинг.
  

Газлардан заҳарланиш содир бўлганда:

• 
  Нафас олиш органларини муҳофаза қилиш материаллари, 2% ли ичимлик содаси эритмаси шимдирилган пахтали дока боғичлар тайёрлаш ва тақиш лозим.
  
• 
  Жабрланган кишини очиқ ҳавога олиб чиқинг, кўзлари, нафас йўллари ва терисини кўп миқдордаги оқар сувда ювинг.
  
• 
  Ҳиқилдоқ тортишиб сиқилаётган бўлса бўйинга горчица ёки иситувчи компресс қўйинг, оёққа иссиқ ванна қилинг.