Andijon mashinasozlik institutida

Andijon mashinasozlik institutida волонтёрлик фаолияти билан шуғулланаётган талаба-ёшлар фаолиятини самарали ташкил этишга қаратилган волонтиёрлик марказини ташкил этиш тўғрисида

Ўзбекистон Республикасининг “Волонтёрлик фаолияти тўғрисида”ги қонуни, Ўзбекистон Республикаси Вазирлар Маҳкамасининг 2021-йил 18-январдаги “Ўзбекистонда ёшларга оид давлат сиёсатини 2025-йилгача ривожлантириш концепциясини тасдиқлаш тўғрисида”ги 23-сон қарори ва Ўзбекистон Республикаси Ёшлар ишлари агентлиги, Ўзбекистон Республикаси Олий ва ўрта-махсус таълим вазирлиги, Ўзбекистон ёшлар иттифоқи Марказий Кенгаши ҳамда Ўзбекистон волонтёрлар ассоциацияси 2021-йил 27-майдаги 2701-07/26/40-Қ/Қ/10ҚҚ/01-сон қўшма қарори ижросини таъминлаш мақсадида

Б У Ю Р А М А Н:

1. 
   Қўшма карор ижроси юзасидан институт талаба-ёшлари орасидан вилоят волонтиёрлар маркази аъзоларининг фаолиятини институт талаба-ёшлар орасида кенг тарғиб этиш тўғрисидаги Ёшлар иттифоқи институт бошланғич ташкилот етакчисининг таклифини инобатга олинсин.
   
2. 
   Андижон машинасозлик институтида волонтёрлик маркази ташкил этилсин.
   
3. 
   Андижон машинасозлик институтида волонтёрлик марказини ташкил этиш бўйича институт ишчи гурух таркиби 1-иловага мувофиқ тасдиқлансин.
   
4. 
   Андижон машинасозлик институтида волонтёрлик марказини ташкил этиш бўйича Низом 2-иловага мувофиқ тасдиқлансин.
   
5. 
   Андижон машинасозлик институти Ёшлар иттифоқи бошланғич ташкилоти етакчиси И.Кобуловдан:
   

Андижон машинасозлик институти волонтёрлик маркази координаторилигига лойиқ номзодлар рўйхатини шакллантириш;
ушбу марказ фаолиятини мувофиқлаштириб бориш вазифаларини бажариш сўралсин.

6. 
   Барча факультет ёшлар билан ишлаш ва маънавий-маърифий ишлар бўйича декан муовинларига волонтёрлик марказини ташкил этиш учун фаол талабаларни жалб қилиш вазифаси юклансин.
   
7. 
   Ёшлар масалалари ва маънавий-маърифий ишлар бўйича биринчи прорректор А.Эрматов, Ишлар бошқармаси бошлиғи Ғ.Акбаровларга:
   

волонтёрлик марказини замонавий моддий-техник базаси билан таъминлаш;
волонтёрлик маркази инфратузилмасини таъминлаш;
марказнинг самарали фаолият юритиши учун барча шароитларни яратиб бериш;
энг фаол волонтёр талабаларни доимий рағбатлантириб бориш вазифалари юклансин.

8. 
   Бош бухгалтер М.Сайпиддиновга волонтёрлик марказларини ташкил этиш билан боғлиқ ҳаражатларни институтнинг бюджетдан ташқари маблағлари ҳисобидан амалга ошириш вазифаси юклансин.
   
9. 
   Ушбу буйруқнинг ижросини назорат қилиш Ёшлар масалалари ва маънавий-маърифий ишлар бўйича биринчи прорректор А.Эрматов зиммасига юклансин.