Andijon mashinasozlik instituti ―gumanitar fanlar‖ kafedrasi ―O‘zbekiston tarixi‖ fanidan

Mafkura- (arabcha ―mafkura‖-nuqtai nazarlar va e‘tiqodlar tizimi, majmui)- jamiyatdagi muayyan siyosiy, huquqiy, ahloqiy, diniy, badiiy, falsafiy, ilmiy qarashlar, fikrlar va g‘oyalar majmui bo‘lib, ijtimoiy borliqning ya‘ni, keng ma‘noda jamiyat hayotining ma‘naviy-siyosiy in‘ikosidir, uning inson ongida aks etishi, inson tomonidan anglanib, bir butun tizim holiga keltirilishi va bu tizimning amaliy faoliyatida nazariy asos ruhiy tayanch bo‘lib xizmat qilishidir.

SHo‘rolar davrida ishchilar sinfining mafkurasini butun jamiyatning yagona mafkurasiga aylantirish uchun harakat qilindi. Bu esa salbiy oqibatlarga olib keldi. Hayot bunday yo‘l xato ekanligini ko‘rsatdi. Sovet tuzumi davrida milliy mafkura inkor etildi. Holbuki, millat bor ekan, uning hayotga, atrof borliqqa o‘ziga xos siyosiy, huquqiy, axloqiy, badiiy, diniy, falsafiy va boshqa qarashlar bo‘lishi tabiiydir. Bu haqiqatni inkor etish noo‘rindir.

Hozirgi davrda ilg‘or davlatlarda barcha ijtimoiy tabaqalar va sinflar, millatlar, diniy e‘tiqod tarfdorlari o‘z mafkuralarini demokratiya, insonparvarlik, ijtimoiy adolat qoidalari hamda talablari asosida yaratishga intilayotganliklari sababli, ularning orasida murosasiz ziddiyat, qarama-qarshilik o‘rniga har bir masalada konsensus, ya‘ni murosa-madora tamoyillaridan kelib chiqish tobora ustun kelmoqda. Mustaqil O‘zbekiston huddi shu yo‘ldan bormoqda. O‘zbekiston Prezidenti tomonidan uning ma‘ruzalari, risola va kitoblarida asoslanayotgan nuqtai nazar va g‘oyalar majmuasi mohiyatan umumxalq mafkurasidir. Maqsad-mustaqil O‘zbekistonni zamonamizning rivojlangan davlatlaridan biriga aylantirish, mamlakat aholisini farovonligini oshirish, ko‘pmillatli O‘zbekiston aholisini umummaqsad atrofida yanada jipslashtirishdir.