28
2.1. Og‘ir atletika mashg‘ulotlarining shaxsga xos xususiyatlari
YOsh og‘ir atletikachilarning boshlang‘ich tayyorgarligi jarayonini
yanada xolisona o‘rganish maqsadida biz sotsiologik tadqiqot o‘tkazdik.
Og‘ir atletika bilan shug‘ullanayotgan bolalar va o‘smirlar, ularning
murabbiylari o‘rtasida o‘tkazilgan anketa so‘rovi natijalari tahlil qilindi.
Bunday tadqiqot natijalari quyidagilarni aniqlashga imkon berdi.
Hamma yosh guruhlarida og‘ir atletika mashg‘ulotlari bilan
shug‘ullanish uchun turtki bo‘lgan etakchi motivatsion omil – bu kuchli
bo‘lish istagidir: 100% so‘ralganlarning 57% shu javobga to‘xtalgan.
YOsh o‘tishi bilan do‘stiga hamroh bo‘lib yoki murabbiyning taklifiga
ko‘ra shug‘ullanishga kelgan bolalarning foizi ortdi. Sport
musobaqalarining ommaviylashtirishdagi ahamiyatini 10–11 va 13
yoshdagilarning muvofiq ravishda 17% hamda 15% ta’kidlab o‘tgan.
Farzandlarining og‘ir atletika bilan shug‘ullanishlariga ota–onalarning
munosabatlariga kelsak, 48% dan 71% gacha shug‘ullanuvchilarning
ota–onalari rozi; 29% dan 50% gacha ota–onalar befarq va faqat 2% dan
5% gacha bolalarning ota–onalari mashg‘ulotlarga qarshilar. Boz ustiga,
yosh o‘tishi bilan rozi ota–onalar soni ortib, norozilar soni kamayib
bordi. Hamma yosh guruhlarida ko‘pchilik eng sevimli mashg‘ulot turi
sifatida og‘ir atletika mashqlari texnikasini takomillashtirish va kuch
sifatlarini rivojlantirishni qayd etganlar: muvofiq ravishda 33% dan 71%
gacha va 33% dan 100% gacha. Musobaqa faoliyatini 10–11 va 13–15
yoshdagilarning 31% dan 50% gacha, 12 yoshdagilarning esa 83% afzal
ko‘rishadi. O‘rtoqlari va murabbiy bilan muloqot qilish 15 yoshdagi
bolalar uchun muhim hisoblanadi – muvofiq ravishda - 19% va 28%.
SHug‘ullanuvchilarning 50% dan 86% qismigacha navbatdagi
mashg‘ulotlarni kutishadi va 14% dan 66% gacha qismi odatga ko‘ra
mashg‘ulotlarga borishadi.
29
Mashg‘ulotlarga halaqit beruvchi asosiy sabablar sifatida 17% dan
66% gacha shug‘ullanuvchilar maktabda berilgan uy vazifalarini
bajarishni; 17% dan 25% gacha so‘raluvchi – uydagi majburiyatlar va
transport muammolarini ko‘rsatib o‘tganlar. Bu erda ko‘pchilik – 69%
gacha yosh og‘ir atletikachilar mashg‘ulotlarga xalaqit beruvchi jiddiy
sabablarni ko‘rsata olmaganlar. Og‘ir atletika mashg‘ulotlari ta’sirida
maktab o‘quvchilarining 8 % dan 33% gacha qismi uzlashtirishda yuqori
natijaga erishganlar. 33% dan 71% gacha bolalar o‘zlarini kuchliroq his
qilganlar; 8% dan 33% gacha sinfdoshlari orasida uz obro‘larini
oshirganlar. Muntazam mashg‘ulotlarni boshlagandan so‘ng hech
qanday sezilarli o‘zgarishlarni ko‘zatmagan shug‘ullanuvchilar foizi
ham yuqori – 67% gacha. O‘qituvchilar va sinfdoshlarning og‘ir
atletika mashg‘ulotlariga bo‘lgan ijobiy munosabatini 8% dan 50% gacha;
salbiy munosabatni–8% dan 17% gacha; befarqlikni–5% dan 92%gacha
maktab o‘quvchilari qayd etganlar. Olib borilayotgan tadqiqotlar
davomida biz shug‘ullanuvchilarning oldingi harakat tajribalari bilan
qiziqdik. SHu sababli biz quyidagi savollarga javob olishga harakat
qildik: ular og‘ir atletika sektsiyasiga kelishdan oldin qanday sport
turlari
bilan
shug‘ullanishgan
va
umuman
sport
bilan
shug‘ullanishganmi yoki yo‘q? Olingan ma’lumotlarning ko‘rsatishicha,
10–15 yoshdagi yangi shug‘ullanuvchilarning 12% dan 25% gachasi
sport bilan umuman shug‘ullanmaganlar.
SHarq yakkakurashlari bilan 12% dan 37% gacha, sport kurashi
turlari bilan 12% dan 83% gacha; so‘zish bilan 25% dan 50% gacha; sport
o‘yinlari (ko‘proq futbol) bilan 17% dan 62% gacha; tennis bilan 6% dan
12% gacha; akrobatika bilan 12% dan 25% gacha; engil atletika bilan 6%
dan 12% gacha , atletik gimnastika bilan 17% dan 50% gacha bolalar
30
hamda o‘smirlar shug‘ullanishgan. Bunda 10–15 yoshdagi bolalar va
o‘smirlar orasida eng afzal sport turlari sport kurashi, sport o‘yinlari,
so‘zish, atletizm bo‘lib, bu sport turlari bilan maktab o‘quvchilarining
yarmi va undan ko‘prog‘i turli yillarda shug‘ullanishgan.
SHunday qilib, og‘ir atletika bilan muntazam shug‘ullana
boshlashdan avval yangi shug‘ullanuvchilarning taxminan uchdan bir
qismi uz jismoniy sifatlarini faqat maktabda jismoniy tarbiya darslarida
va bo‘sh vaqtlarda
erkin harakat faolligi vositalari yordamida takomillashtirib
borganlar.
Maktab o‘quvchilarining aksariyati undan tashqari uz harakat
imkoniyatlarini har xil sport turlari vositalari yordamida rivojlantirib
borganlar. SHu sababli koordinatsion murakkab texnikaga ega og‘ir
atletika mashqlarini egallash va asosiy harakat sifatlarini rivojlantirishga
bo‘lgan ularning tayyorligi shug‘ullanmagan tengdoshlariga qaraganda
ancha yuqori bo‘ldi. Olingan ma’lumotlar yangi shug‘ullanuvchilarning
o‘quv–mashg‘ulot jarayoni davomida hisobga olindi. Amaliyotda u yoki
bu uslubiy tizimdan muvaffaqiyatli foydalanish quyidagi sub’ektiv
omillar bilan belgilab beriladi: murabbiyning dunyoqarashi, uning
hozirgi zamon sharoitlarida sport turining asosiy muammolarini ko‘ra
bilish va rivojlanish istiqbolini baholay olish qobiliyati, shuningdek,
kasbiy izlanish hamda pedagogik mahorat.
Og‘ir atletika murabbiylarining ko‘rsatib o‘tilgan kasb faoliyati
tarkibini o‘rganish uchun yosh og‘ir atletikachilar bilan ishlaydigan 18
nafar mutaxassislar orasida anketa so‘rovi o‘tkazildi. Olingan
javoblarning tahlili shuni ko‘rsatadiki, ko‘pchilik murabbiylar imkoni
boricha sport fanidagi yangiliklardan boxabar bo‘lib boradilar, davriy
nashrlarni olib turadilar, og‘ir atletika sportidagi nazariy va amaliy
31
masalalarga oid ilmiy bahslardan xabardor bo‘lishga intiladilar. Biroq
ilmiy izlanishlarning zarurligi va natija berishiga shubha bilan
qaraydigan, bolalar va o‘smirlar mashg‘ulot jarayonini boshqarishda
faqat o‘zining sport va pedagogik tajribasiga tayanadigan murabbiylar
ham uchradi. So‘ralganlarning uchdan bir qismi sport ustasi, qolganlar
turli sport razryadiga, asosan, sport ustaligiga namzod va I razryadga
ega edilar.
Aytish mumkinki, murabbiylarning sport malakasi darajasi og‘ir
atletikaning sport turi sifatidagi o‘ziga xos xususiyati to‘g‘risida amalda
tasavvurga ega bo‘lish uchun to‘la etarli hisoblanadi. Boshlang‘ich
tayyorgarlik bosqichida haftalik tsiklda mashg‘ulotlar va mashg‘ulotdagi
mashqlar soni to‘g‘risidagi masala yuzasidan bildirilgan fikrlarda
tafovutlar borligi aniqlandi. So‘ralgan murabbiylarning taxminan
to‘rtdan bir qismi haftada beshta mashg‘ulot o‘tkazishni, har birida
to‘rttadan mashq bajarishni optimal deb hisoblaydi. Qolganlar haftada
uchta–to‘rtta mashg‘ulotlar etarli ekanligini bildirishgan. Bunda
oxirgilarning yarmisi yuklamaning asosiy parametrlarini rejalashtirish
shug‘ullanuvchilarning mutlaqo individual qobiliyatlariga bog‘liq, deb
hisoblasa, ikkinchi yarimisi standart tavsiyalarni aytishgan: haftada
uchta asosiy va bir nechta qo‘shimcha mashqlardan iborat bo‘lgan uchta
mashg‘ulot, unda 4 ta urinish va urinishda 8–12 marta takrorlash
berilgan. Hamma so‘ralgan bolalarni sektsiyaga 7–8 yoshdan saralab
olganlar.
Bir necha yil og‘ir atletika mashg‘ulotlarining o‘ziga xos
xususiyatlariga moslashish, UJT va saralashga ajratiladi, taxminan 10–12
yoshdan esa maxsus mashqlardan faol foydalangan holda chuqur
takomillashuv boshlanadi. Murabbiylarning ko‘pchilik qismi UJT ni
an’anaviy tarzda, ya’ni kelgusidagi chuqurlashtirilgan mashg‘ulotlarga
32
mustahkam funktsional va harakat bazasini yaratish sifatida
tushunishadi. Lekin umumiy jismoniy tayyorgarlikni o‘ta ixtisoslashgan
holda tasavvur qiladigan murabbiylar ham uchradi. Ular UJT ni deyarli
kuch tayyorgarligi bilan almashtirib yuborganlar. Og‘ir atletika va
umuman, zamonaviy sport uchun eng muhim muammolardan biri,
murabbiylarning fikricha, yoshlarda bir maqsadni ko‘zlab mehnat qilish,
yuklamalarga bardosh berish, o‘zini biron–bir narsadan tiyish kabi
xohishning pasayishidir.
YOshlarni og‘ir atletika bilan faol shug‘ullanish uchun
qiziqtirishga qodir bo‘lgan choralar to‘g‘risida so‘z yuritib, ko‘pchilik
so‘raluvchi maktab o‘quvchilari va ularning ota–onalari bilan muntazam
muloqotda bo‘lish, ko‘rgazmali musobaqalar hamda mashg‘ulotlarning
afzalliklari to‘g‘risida ochiq ma’ruzalarni o‘tkazish zarur ekanligini
ko‘rsatib o‘tganlar.
Biroq so‘ralganlarning taxminan uchta qismi bolalar va o‘smirlarni
og‘ir atletika mashg‘ulotlariga jalb qilish bo‘yicha maxsus choralar
ko‘rish zarurligini rad etadi. Ular qat’iy ravishda saralab olish bilan
cheklanishni tavsiya etadilar. Hech kimni kuch bilan ushlab turish va
shug‘ullanishga ko‘ndirishning hojati yo‘q. Ushbu qarash vakillarining
ta’kidlashicha, teskari samara yuzaga keladi. O‘ziga va uz sport turiga
hurmat bilan qaraydigan, sportda shogirdlari yaxshi natijaga erishishi
uchun
umid
bog‘laydigan
murabbiy
shug‘ullanuvchilarni
mashg‘ulotlarga jiddiy munosobatda bo‘lishga chaqiradi. Bizningcha,
shug‘ullanuvchilar bilan shunday o‘zaro munosabatlarga amalda
tayanadigan murabbiylar haqiqatdan ham yoshlikdan malakali
sportchilarni tayyorlashda yuqori natijalarga erishadilar.
So‘ralgan murabbiylarning ko‘pchilik qismi shug‘ullanuvchilar ota
– onalari bilan muntazam muloqotda bo‘lib turadilar. Bunday
33
munosabatlar asosan ota–onalarning farzandlari og‘irliklar bilan mashq
qilishlari yuzasidan xavotirlarini engib o‘tishga qaratilgan. Muloqot
maxsus uchrashuvlar, suhbatlar, mashg‘ulotlar va musobaqalarni borib
ko‘rish shaklida amalga oshiriladi. SHug‘ullanuvchilar bilan qattiqqo‘llik
bilan mashg‘ulotlar olib boradigan murabbiylar bolalar va o‘smirlarning
ota–onalari, shuningdek, tibbiyot xodimlari bilan muloqot qilishdan
qochishga harakat qilishadi, buni befoyda, deb hisoblashadi. Mashg‘ulot
jarayonini takomillashtirish yuzasidan ota–onalarning takliflari yo‘q.
Ular, asosan, murabbiyga ishonadilar, ayniqsa, tushuntirish ishlari olib
borilgan bo‘lsada, farzandlari sog‘lig‘i uchun xavotirlanishni davom
ettiraveradilar. SHuningdek, so‘rov murabbiylarning yosh og‘ir
atletikachilar oilasining ijtimoiy maqomi to‘g‘risida xabarlari borligini
ko‘rsatdi. Og‘ir atletika sektsiyasiga, asosan, ishchi oilalarning
farzandlari (90% gacha) kelishadi va shug‘ullanuvchilarning deyarli
yarmi yolg‘iz oilalarda yashaydi.
Ushbu hol, bizningcha, moddiy daromadi yuqori bo‘lmagan oilalar
uchun ham og‘ir atletika bilan shug‘ullanish engil ekanligini ko‘rsatadi.
Hozirgi zamon yoshlarining ko‘proq nimaga qiziqishlariga oid savolning
javobi ham yakdillikni ifodalaydi. Hamma murabbiylar bolalar va
o‘smirlarning hozirgi va kelgusidagi istak–intilishlari sifatida ijtimoiy
maqomga ega bo‘lishni ta’kidlaganlar, shunga muvofiq u yoki bu
faoliyat turiga bo‘lgan munosabat ham belgilanadi. Tabiiyki, sport
hozirgi sharoitlarda bolalar va o‘smirlar uchun eng ustuvor
yo‘nalishlardan biri. Mashg‘ulotlarga qatnashish istagi juda katta. SHarq
yakkakurashlari va atletik gimnastika hamma erda ommaviylik bobida
etakchi o‘rinda turadi.
Biroq shunga qaramasdan, yoshlarning an’anaviy sport turlari,
jumladan, og‘ir atletika bilan shug‘ullanishga bo‘lgan qiziqishlari juda
34
yuqori. SHunday qilib, yosh og‘ir atletikachilar murabbiylarining
ularning kasb faoliyatiga doir bir qator savollarga bergan javoblarini
tahlil qilib, ma’lum bir xulosaga kelish mumkin. Birinchi navbatda,
so‘rovda qatnashgan og‘ir atletika bo‘yicha murabbiylarning ko‘pchilik
qismi ilmiy tadqiqotlar natijalaridan xabardorlar va ularni kundalik
amaliyotga tatbiq etish juda muhim, deb hisoblaydilar. So‘rovda ishtirok
etgan barcha murabbiylar sport unvonlari va razryadlariga ega. Bu
mutaxassis sifatida ularning malakasini oshiradi va yosh atletlar ko‘z
oldida obro‘larini ko‘taradi. Hamma so‘ralganlar sektsiyaga 7–8 yoshdan
qabul qilishni to‘g‘ri, deb hisoblaydilar. SHuningdek, keyingi bir necha
yil davomida boshlang‘ich tayyorgarlik davrida ko‘proq UJT, 10–11
yoshdan esa chuqurlashtirilgan ixtisoslashuvni boshlashni tavsiya
qilganlar.
Bunda murabbiylarning ko‘pchilik qismi haftada 4 ta mashg‘ulot
o‘tkazish, mashg‘ulotda 3–4 mashq, har bir mashqda 4 ta urinish va bir
urinishda 4–12 marta takrorlashni bajarishni bolalar uchun engil deb
hisoblaydilar. Bundan tashqari, tibbiyot xodimlari bilan uzviy hamkorlik
qilish manfaatli ekanligini ta’kidlab o‘tganlar.
2.2. YOsh og‘ir atletikachilarning boshlang‘ich tayyorgarligi
Biz tomonimizdan ishlab chiqilgan usuliyatning samaradorligi
hozirgi paytda amal qilayotgan an’anaviy boshlang‘ich bosqichda og‘ir
atletikachilar tayyorgarligi usuliyati bilan taqqoslab baholandi. SHu
sababli avval 10–15 yoshdagi nazorat guruhi og‘ir atletikachilari
mashg‘ulotlarining uslubiy xususiyatlarida batafsil to‘xtalib o‘tishni
lozim, deb hisoblaymiz. 10–15 yoshdagi nazorat guruhi og‘ir
atletikachilari mashg‘ulot yuklamasining umumiy hajmi o‘quv yili (10
oy) davomida 320 soatni tashkil etdi. Bu BO‘SM larning boshlang‘ich
35
tayyorgarlik guruhlari uchun darslar dasturi tavsiyalari atrofidadir.
Ulardan 240 soati UJT va 80 soati MJT uchun ajratilgan (foizlarda nisbat
75:25% ni tashkil etadi). Mashg‘ulotlarda 31 ta og‘ir atletika
mashqlaridan foydalanildi. Ularning soni va tarkibi oylik tsikllarda
birmuncha o‘zgartirildi. MJT ning asosiy qismi miqdori BO‘SM uchun
darslar dasturiga muvofiq bo‘ldi va 23 ta maxsus og‘ir atletika
mashqlarini uz ichiga oldi. Siltab ko‘tarish va dast ko‘tarish mashqlarida
90–100% li og‘irliklarni ko‘tarish soni bir oyda 20–30 atrofida va muvofiq
ravishda bir o‘quv yilida 200–300 atrofida bo‘ldi. Bu kattaliklar ham
ilmiy–uslubiy adabiyotlarda ko‘rsatilgan ma’lumotlardan yuqori; bir
yilda sub–va maksimal vaznlardagi SHKS 100–200. Nisbiy shiddatning
o‘rtacha yillik ko‘rsatkichi 70% ga teng. Asosiy mashqlarda (shtangani
siqib ko‘tarish va egilishlarsiz) SHKS da yillik tsiklda yuklama hajmining
shiddat zonalari bo‘yicha taqsimlanishi kichik, katta bo‘lmagan va
o‘rtacha og‘irliklar tomon o‘zgardi (muvofiq ravishda 31, 25 va 25%).
Katta, sub – va maksimal vaznlar zonasi muvofiq ravishda 15 va 4 % ni
tashkil etdi. Boshlang‘ich tayyorgarlik guruhlari uchun yaqinlashtiruvchi
dast ko‘tarish va siltab ko‘tarish mashqlarida maksimaldan kamida 50%
gacha bo‘lgan shtanga vazni hisobga olindi. Nazorat guruhlarida
haftalik tsiklda to‘rttadan mashg‘ulot rejalashtirilgan edi. Har bir
mashg‘ulotda 3 tadan 6 tagacha mashqlar, har bir mashqda 6–8 ta
urinishlardan foydalanildi.
36
III-BOB. TADQIQOT NATIJALARI VA ULARNING
MUXOKAMASI.
3.1. Yosh og‘ir atletikachilarni tayyorlashda nostandart mashqlardan
foydalanish tajribasini o’rganish natijalari.
Sport zahiralarini tayyorlash jarayonini rejalashtirishda trenerlar
tajribasini o’rganish muhim ahamiyatga egadir.
Sport tayyorgarligi ko’p bosqichli murakkab pedagogik jarayon
bo’lib, mashg‘ulotlarni ilmiy asosda tashkil qilishni etadi.
Mashg‘ulotlarda qo’llaniladigan jismoniy va texnik-taktik
mashqlar shug‘ullanuvchi bolalarning yoshi, jismoniy va funktsional
imkoniyatlariga moslab rejalashtirilishi va qo’llanilishi lozim. Ushbu
mashqlar hajmi, shiddati, qaytarilishi va davom etish vaqti biologik
qonuniyatlarga asoslanishi lozim. Agar mashqlar yuklamasi bolaning
imkoniyatidan o’ta yuqori bo’lsa, bunday yuklama shu bolaning
organizmiga salbiy ta’sir etishi mumkin. Aksincha, yuklama
imkoniyatdan kam bo’lsa shakllanish jarayoni sustlashishi muqarrar.
Ayrim trenerlar qisqa muddat ichida jismoniy sifatlarni
rivojlantirishni jadallashtirish, tezroq malakali sportchi tayyorlash
maqsadida maxsus va ixtisoslashgan mashqlarni zo’rma-zo’raki
qo’laydilar. To’g‘ri, ayrim xollarda ya’ni agar bolaning nasliy va
individual jismoniy imkoniyatlari serzahira bo’lsa, bunday bola tez
orada yaxshi sportchi bo’lib etishishi mumkin. Ammo, aksariyat hollarda
bunday katta yuklamali mashg‘ulotlar bolaning tez charchashi,
zo’riqishi, hatto uning kasallanishiga olib kelishi mumkin. Sport
amaliyotida shunday xolatlar ham uchraydiki, bir-biriga o’xshash
muntazam beriladigan mashqlar sport bilan endi shugullanishni
boshlagan bolada qiziqishni so’ndiradi, unda sport bo’lgan ixlos
yo’qoladi, pirovardida u sport bilan shug‘ullanmay qo’yadi. Shuning
37
uchun yosh sportchilarni tayyorlashda, ayniqsa dastlabki o’rgatish
bosqichidajismoniy sifatlarni rivojlantirish, texnik-taktik mahoratni
shakllantira borish uchun noan’naviy, nostandart mashqlardan
foydalanish juda foydali va o’ta muhimdir. Hozirgi kun sport
amaliyotida yosh sportchilarni tayyorlash jarayoni qanchalik o`z
tarkibiga nostandart mashqlarni kiritganligini o’rganish uchun biz
murabbiylar o’rtasida so’rovnoma o’tkazdik.
Savolnoma natijalari 1 jadvalda aks ettirilgan. Jadvaldan ko’rinib
turibdiki, savolnomada ishtirok etgan 30 nafar trenerlardan 6 tasi (20%) 1
savolga (o’quvchilarni sport tugaragiga tanlab olishda NS mashqlardan
foydalanasizmi?) «ha» deb javob berishgan bo’lsa, 20 tasi (66,7 %) «yo’q»
deb 4 si (13,3 %) esa «qisman» deb javob berdi. Ushbu natijalar shuni
ko’rsatadiki tanlov jarayonida aksariyat trenerlar harakatli o’yinlardan
umuman foydalanmas ekanlar.
Ma’lumki, har bir sport turiga hos nostandart, harakatli o’yinlar
mavjud bo’lib, ulardan tanlov jarayonida foydalanish bolaning shu sport
turiga xos harakat qobiliyatlarini aniqlashga yordam beradi. Muhimi
shundaki, harakatli o’yinlar davomida muayyan harakat vazifasini hal
etish extiyoriy ravishda mustaqil qaror qabul qilish asosida amalga
oshiriladi. SHu harakatni ijro etishda bolaga berilgan erkinlik imkoniyati
undagi qobiliyatlarni namoyon etlishiga qulay vaziyat tug‘diradi.
2 savolga (mashg‘ulotlar davomida jismoniy sifatlarni rivojlantirish
maqsadida NO’Mdan foydalanasizmi?) 14 ta trener (46,7 %) «ha» va 16
ta (53,3 %) «yo’q» deb javob beradilar. «Qisman» degan javob qayd
etilmadi.
Demak, savolnomada ishtirok etgan trenerlarning deyarli teng ikki
yarmi «ha» va «yo’q» deb javob berganliklari ularning ikki toifaga
38
mansub pedagogik yondoshuv asosida mashg‘ulot o’tkazishlaridan
darak beradi.
Yosh sportchilarni tayyorlashda harakatli o‘yinlar dan foydalanish
darajasini anio‘lash bo‘yicha o‘tkazilgan savolnoma
NATIJALARI
n=30
№
Savollar
Ha Yo‘
q
Qisman
1
.
Kuch sifatini rivojlantirishda NO‘M dan
foydalanasizmi?
6
20
4
2
.
Mashg‘ulotlar
davomida
kuchni
rivojlantirish uchun NO‘M laridan
foydalanasizmi?
14 16
0
z
.
Yosh sportchilarda kuchni rivojlantirish
uchun NO‘M laridan foydalanasizmi?
8
7
15
4
.
Mashg‘ulotning tayyorgarlik kuchni
NO‘M dan foydalanib rivojlantirasizmi?
11 1z
6
5
.
Mashg‘ulotning asosiy qismida kuchni
NO‘M lari yordamida rivojlantirasizmi?
z
18
9
6
.
Mashg‘ulotning
yakuniy
qismida
kuchni
NO‘M
lari
bilan
rivojlantirasizmi?
7
21
2
7
.
Kuchni rivojlantirishda trenajyorlardan
foydalanasizmi?
10 11
9
Izoh: NO‘M – nostandart o‘yin mashqlari.
39
Birinchilari – jismoniy sifatlarni rivojlantirish uchun NO’Mlaridan
foydalanishsa, ikkinchilari – bu imkoniyatdan foydalanmay
mashg‘ulotlarda faqat standart va an’anaviy jismoniy mashqlardan
foydalanadi deb xulosa qilish mumkin.
Binobarin, iikkinchi guruh trenerlari NO’Mlarining o’ta muhim
amaliy ahamiyatiga e’tibor qilmaydilar yoki, ehtimol NO’Mlarini
jismoniy sifatlarni rivojlantirishda samarali vosita deb bilmaydilar.
3 savolga berilgan javoblar ham yuqorida qayd etilgan ko’rinishda,
lekin karoq foiza kuzatiladi (jadvalga qarang). Bu savolga «Qisman» deb
javob berganlar soni ko’proq bo’lib, 50 % ni tashkil etdi.
4,5,6 savollar mashg‘ulotlarni o’tkazish, o’rganish va sportchilarni
tayyorlash jarayoniga bevosita aloqador bo’lib, trenerlarning kasbiy-
pedagogik faoliyatida va xususan mashgulotlar samaradorligini
oshirishda muhim rol o’ynaydi. Jumladan, respondent trenerlar
«Mashg‘ulotning tayyorgarlik kismida NӮMdan qo’llaysizmi?» degan
savolga 36,7% «ha», 43,3% «yo’q» va 20% «qisman» deb javob berishdi.
Mashg‘ulotning asosiy kismida faqat z tagina trener NO’Mdan
foydalanishlarini bildiradilar. Bu savolga 60% trenerlar «yo’q» va 30% -
«qisman» deb fikr bildirishdi. Mashg‘ulotning yakuniy qismida esa
NO’Mlaridan foydalanadigan trenerlar soni nisbatan ko’proq bo’ldi
(43,3%). 30% trenerlar – «yo’q» degan javobni bildiradilar. 26,7%
respondentlar mashg‘ulotning yakuniy qismida qisman foydalanlar
ekanlar.
Ta’qidlash lozimki respondentlarning faqat 10 tasi kuchni
rivojlantirishda trenajyorlardan foydalanishni afsuslanarli holdir.
So’rovnoma davomida olingan natijalar va ularning qiyosiy tahlili
shuni kursatdiki, aksariyat respondent trenerlar yosh sportchilarni
tayyorlashda, ayniqsa jismoniy sifatlarni rivojlantirishda asosan
40
standart mohiyatga ega umumiy yoki maxsus jismoniy mashqlarga
ko’proq e’tibor qaratar ekanlar. Bu borada harakatli o’yinlargi qo’lay
vosita sifatida ikkinchi darajali o’rin berilishi kuzatiladi. So’rovnomada
ishtirok etgan respondent trenerlar bilan o’tkazilgan suxbat davomida
yana bir ahamiyatli narsa ma’lum bo’lidki, ularning ko’pchiligi juda
keng ommalashgan harakatli uyinlar, ayniqsa milliy halq harakatli
o’yinlar haqida to’liq ma’lumotga ega emas ekanlar Ayrim trenerlar
o’yinsimon nostandart mashqlarni shunchaki dam olish yoki bolalarda
kayfiyat uyg‘otish vositasi xolos deb o’ylashlari jiddiy tashvishga soladi.
41
Do'stlaringiz bilan baham: |