Андижон давлат университети ҳузуридаги илмий даражалар берувчи dsc 03

Диссертация мавзусининг диссертация бажарилган олий таълим муассасасининг илмий-тадқиқот ишлари билан боғлиқлиги. Диссертацион татқиқот Термиз давлат университетининг илмий-тадқиқот ишлари режасининг “Ўзбекистоннинг жанубий ҳудудларида ижтимоий-иқтисодий жараёнлар мавзусидаги лойиҳа, шунингдек, Ўзбекистон Републикаси Вазирлар Маҳкамаси ҳузуридаги Фан ва технологияларни ривожлантириш қўмитасининг №-И-2010- 12-, №-И.2015 -1 26-,№-И.2015-1-27 рақамли “Ўзбекистоннинг жанубий ҳудудидларида моддий ва маънавий маданият” мавзусидаги Инновация лойиҳалари доирасида бажарилган.
Тадқиқотнинг мақсади 1945-1991 йилларда Ўзбекистоннинг жанубий ҳудудларида юз берган ижтимоий-иқтисодий ва маданий ҳаёт тарихини очиб беришдан иборат.
Тадқиқотнинг вазифалари:
совет тузумининг миллий республикаларга нисбатан тутган сиёсатини таҳлил қилиб, унинг асл моҳиятини очиб бериш;
тадқиқ этилаётган даврда жанубий Ўзбекистонда юз берган ижтимоий-иқтисодий ўзгаришлар эволюциясини ўрганиш;
минтақада аграр соҳанинг ҳолати, янги ерларнинг ўзлаштирилиши, ирригация ва мелиорация жараёнлари, пахта якка ҳокимлигининг кучайиб бориши ва унинг оқибатларини таҳлил этиш;
минтақада саноат корхоналарининг бунёд этилиши, уларнинг чекланганлик ҳолати ва тармоқ вакилларининг машаққатли меҳнати, соҳада маҳаллий мутахассисларни тайёрлаш жараёни ва бу борада эришилган ютуқ ҳамда камчиликларни ўрганиш;
минтақа аҳолисининг ижтимоий аҳволи, моддий таъминланганлик даражаси, уй-жой ва маиший турмушида юз берган ўзгаришлар ҳамда мазкур соҳада юзага келган муаммоларини ёритиш;
минтақада таълим-тарбия тизимининг ҳолати, шунингдек, унда эришилган ютуқлар, йўл қўйилган камчиликларнинг сабабларини очиб бериш;
Тадқиқ этилаётган даврда совет давлатининг маданият соҳасида олиб борган сиёсати, адабиёт, театр, кино, маданий оқартув муассасаларининг фаолиятини таҳлил этишдан иборат.
Тадқиқотнинг объектини 1945-1991 йилларда Ўзбекистоннинг жанубий вилоятларидаги ижтимоий-иқтисодий ва маданий ҳаёт тарихи ташкил этади.