Andijon davlat universiteti maktabgacha pedagogika kafedrasi maktabgacha pedagogika

Kuchni tarbiyalashda trener kerakli mushak gruppalarining rivojlanishiga ijobiy ta'sir ko’rsatadigan o’yinlarni o’ynatishi lozim. Kuchni rivojlantiruvchi o’yinlarda shug’ullanuvchilar o’z tana og’irligini, bironta tashqi og’irlikni yoki raqib og’irligini (qarshiligi) yengadi. Kuchni rivojlantirish uchun qo’yidagi o’yinlar tavsiya etiladi. «Xo’rozlar jangi», «Doiraga tort», «Kim kuchli», «Doiradan turtib chiqarish» va boshqalar.

Tezkorlikni tarbiyalash. Signalga binoan tezlikda javob berilishini muayyan vaqt birligi ichida ko’p harakatlar bajarilishini hamda butun tana yoki uning bir qismini fazoda tezlik bilan harakat qilishini talab qiladigan o’yinlar o’quvchilarda tezkorlik sifatini rivojlantiradi. Tezkorlikni tarbiyalash uchun mashqlar maksimal sur'atda bajarilishi lozim. Shuning uchun ham ikki tomonning aktiv musobaqalashishiga olib keladidigan o’yinlar o’tgazilgani ma'qul. Harakatdagi ob'ektga nisbatan bo’lgan reaktsiyani trabiyalovchi o’yinlar bu o’yinlar bu o’rinda yaxshi natija beradi.

Tezkorlik va kuchni rivojlantiruvchi o’yinlar muayyan vazifani hal qilishda katta yordam beradi. Bu o’yinlar o’quv-trenirovka mashg’ulotining dastlabki qismida, shug’ullanuvchilar charchab qolmaslaridan avval o’tkazilishi kerak.

Tezkorlikni tarbiyalash uchun qo’yidagi o’yinlar tavsiya etiladi: «Nomerlarni chaqirish», «Hujum», «Ovchilar va o’rdaklar», «To’p uchun kurash» va boshqalar.

Chaqqonlikni tarbiyalash. Aksar o’yinlarda nihoyatda jadal bajariladigan mashqlar tufayli tezkorlik va chidamlilik sifatlari tarbiyalanadi. Bunday o’yinlarda nagruzkalar ham asta-sekin oshirib boriladi. Chunonchi: maydonni kattalashtirish; maydonni kichraytirmay turib o’yinchilarning sonini kamaytirish; sport jihozlari sonini ko’paytirish; yugurish masofasini uzaytirish; to’siqlar sonini oshirish, murakkab mashqlarni qo’llash va ularning sonini ko’paytirish va hokazo.

Yuqorida ko’rsatilgan metodik usullar izchilik bilan qo’llanilganda maqsadga tezroq erishiladi.