Andijon davlat universiteti maktabgacha pedagogika kafedrasi maktabgacha pedagogika

Metodik ta’minot
Maktabgacha ta’lim – uzluksiz ta’limning alohida turi sifatida.

Maktabgacha ta'lim uzluksiz ta'lim tizimining boshlang’ich turi hisoblanadi, hamda O’zbekiston Respublikasining «Ta'lim to’g’risida»gi Qonuni va «Kadrlar tayyorlash milliy dasturi» talablari asosida tashkil etiladi. Maktabgacha ta'lim sohalardagi  islohotlarni  amalga oshirishda harakatlantiruvchi kuch vazifasini o’taydi.

«Ta'lim to’g’risida»gi Qonun hamda «Kadrlar tayyorlash milliy dasturi»da mamlakatning ijtimoiy-iqtisodiy taraqqiyotini ta'limning asosiy omili bo’lgan kadrlarni tayyorlash borasidagi eng zarur tadbirlar tizimi belgilab berilgan. Sog’lom avlodni tarbiyalash davlat va jamiyatning ustivor yo’nalishidir.

Maktabgacha ta’lim majburiy hisoblanmaydi. 2012 yil bo’yicha keltirilgan rasmiy statistik ma’lumotlarga asosan aholining tegishli qismini maktabgacha ta’lim bilan qoplab olish ko’rsatkichi 22,7% tashkil qilgan. Maktabgacha ta’lim bilan qoplab olish ko’rsatkichi Toshkent shahri (53,9%) va boshqa shaharlarda qishloq hududlariga qaraganda yuqoriroq.

“O‘zbekiston Respublikai “Ta’lim to‘g‘risida”gi Qonunning 11-moddasida: “Bu ta’lim 6-7 yoshgacha oilada, bolalar bog‘chasida va mulk shaklidan qat’iy nazar boshqa ta’lim muassasalarida olib boriladi” – deb ta’kidlangan.