Андижон давлат унивeрситeти филология ва тилларни ўҚитиш -5120101 факультeти

Бутоғингга қўниб булбул каби хониш қилиб тунлар,
Ўпиб ғунчангни очмоқлиққа тонг чоғи шамол бўлсам.
Бўйингни тарқатиб оламни қилсам масту мустағриқ,
Ўзимнинг санъатимга сўнг ўзим ҳайратда лол бўлсам.
Сенинг бирла қолиб бу масту лол оламда мен ёлғиз,
Ўзимни ҳам тополмай, майлига, охир хаёл бўлсам.
Агар боғингда гул бўлмоқ менинг-чун нораво бўлса,
Ки минг бор розиман қасрингга, ҳаттоким дувол бўлсам


Бошим ҳеч чиқмаса, майли, маломат бирла бўҳтондин,
Рақиблар рашкига кўкрак керай, майли, қамол бўлсам Кезиб саҳрою водийлар етишсам бир висолингга,
Фидо жонимни қилдим йўлингга, майли, увол бўлсам.
ШОИРНИНГ «ҒАЗАЛ»И ҲАҚИДА
Ҳамид Олимжон шеърияти ўзбек мумтоз адибларининг 
покиза ижод булоғидан баҳраманд бўлди. Юқорида сиз ўқи-
ган ғазал шу фикрни исбот қилади.
Бу ишқий ғазал ёр мадҳига бағишланган бўлиб, ошиқ 
ўз маъшуқасига етишмоқни, унинг эътибори ва эътирофига 
эришмоқ ни истайди.
Тасаввур қилиш мумкинки, ёр бағоят гўзал. Унинг 
висолига етишиш учун ошиқ барча тадбирларга рози. Хол, 
қатра бол, булбул ва шамол бўлиш ошиқнинг орзуси. Гулдек 
очилган ёр бўйларини турли томонга таратиш ҳам мумкин. 
Лирик қаҳрамон рақибларга дуч келишдан ҳам қўрқмайди.
Охирида:
Кезиб саҳрою водийлар етишсам бир висолингга,
Фидо жонимни қилдим йўлингга, майли, увол бўлсам,
деганича худди мумтоз адабиётдаги ошиқлар каби ёр йўли-
да жон фидоликдан ҳам қайтмайди. Одатда, шарқ адабиётида 
ғазал жанри аруз вазнининг муайян бир баҳрида ёзилади. Ҳа-
мид Олимжоннинг бу ғазали ҳазажи мусаммани солим вазнида 
ёзилган. Ғазалнинг рукнлари ва чизмаси қуйидагича:
В – – – / В – – – / В – – – / В – – –
мафоийлун / мафоийлун / мафоийлун / мафоийлун