Andijon davlat universiteti axborot texnologiyalari kafedrasi mutaxassislik fanlarini o

Bitiruv malakaviy ishni himoya qilish
Belgilangan tartibda kompyuterda tayyorlangan va rasmiylashtirilgan bitiruv malakaviy ishi talaba tomonidan ishning elektron varianti bilan rahbarga taqdim etiladi. Rahbar bitiruv malakaviy ishi talab darajasida bajarilganligiga ishonch bildirganligidan so‘ng, ishni tashqi taqriz va o‘z taqrizi bilan kafedra mudiriga taqdim etadi. Kafedra mudiri taqdim etilgan materiallar asosida dastlabki himoyani o‘tkazadi va malakaviy ishni DAKda himoya qilishga kiritish haqida qaror qabul qiladi. Bitiruv malakaviy ish himoyasiga ayrim sabablarga ko‘ra kela olmagan talabalar 3 yil mobaynida DAKga BMI himoyasiga kiritiladi.
Bitiruv malakaviy ishiga taqriz yozish
Bitiruv malakaviy ishi muqovalangunga qadar ilmiy rahbardan taqriz olinishi kerak. Muqovalangan bitiruv malakaviy ishi bo‘yicha quyidagi ko‘shimcha hujjatlar kafedraga topshirilishi kerak:
-ilmiy rahbarning taqrizi;
-bitiruv malakaviy ishini tayyorlash bo‘yicha kafedra mudiri tasdiqlagan ilmiy rahbarning talabaga bergan topshiriq hujjati;

• 
  bitiruv malakaviy ishiga tashqi taqriz (tashqi taqriz amaliyot o‘tagan joyidan yoki amaliy ma’lumotlar foydalanilgan davlat soliq xizmati organlarining vakolatli shaxslari imzosi va muhri bilan rasmiylashtirilgan holda bo‘lishi kerak);
  
• 
  joriy dalolatnoma (amaliy ma’lumotlar foydalanilgan davlat soliq xizmati organidan ishdagi tegishli muammolarni xal qilish bo‘yicha tavsiyalarning asoslanganligini tasdiqlovchi imzolangan rasmiy xujjat);
  
• 
  bitiruv malakaviy ishining qisqacha annotatsiyasi;
  
• 
  dastlabki himoya bayonnomasidan ko‘chirma;
  
• 
  bitiruv malakaviy ishida mavjud bo‘lgan jadval, diagramma, chizma va boshqa illyustratsion materiallarning taqdimot dasturida (Powyer Poynt) tayyorlangan elektron varianti;
  
• 
  bitiruv malakaviy ishning kompakt diskka yozilgan to‘liq elektron nusxasi;
  
• 
  ishning ayrim savollaridan o‘quv jarayonida foydalanilganligini tasdiqlovchi ma’lumotnoma.
  

Bitiruv malakaviy ishini himoya qilishga tayyorgarlik paytida talaba bajarilgan mavzu mohiyati bo‘yicha qisqacha so‘zga chiqish matnini yozib olishi, so‘zga chiqishi uchun zarur bo‘ladigan kompyuter texnologiyasidan foydalanish maqsadida taqdimot materiallarini tayyorlab qo‘yishi, tashqi taqrizlar mazmuni bilan tanishib chiqishi va taqrizchi e’tirozlariga javob tayyorlagan bo‘lishi kerak. Bitiruv malakaviy ishi himoyasiga kamida 3-4 ta jadval tayyorlash talab etiladi.
Bitiruv malakaviy ishi Davlat Attestatsiya Hay’atinig ochiq majlisida himoya qilinadi. 10-15 daqiqa mobaynida talaba bitiruv malakaviy ishining asosiy jihatlarini bayon etadi, tadqiqotning eng muhim jihatlarini izohlab beradi, taklif va xulosalarni aytadi, savollarga javob beradi.
Bitiruv malakaviy ishi Davlat Attestatsiya hay’atining bahosi va ilmiy rahbarning taqrizini hisobga olgan holda 100 ballik reyting tizimi bo‘yicha ballanadi.